'Shija e detit' në Korçë/ Poseidon, vendi i duhur me gatime fantastike

10 Tetor 2022, 15:58, Qyteti im CNA

'Shija e detit' në Korçë/ Poseidon, vendi i duhur me

Qyteti i Korçës njihet për bujtinat e ngrohta dhe gatimet tradicionale, por prej kohësh i ka munguar një restorant i mirëfilltë peshku, i cili u realizua për të gjithë qytetarët korçarë, si edhe vizitorët vendas e të huaj.

Ilir Gazi, prej vitesh në tregun e hotelerisë dhe turizmit, si biznesmen i njohur për më tepër se 22 vite, vendosi që qytetit juglindor t’i sjellë shijen e prodhimeve të detit në Korçë. Duke parë rritjen e turizmit në juglindje, e vetmja gjë që mungonte ishte pikërisht restoranti Poseidon, një atraksion tepër i rëndësishëm tashmë për qytetin.

'Shija e detit' në Korçë/ Poseidon, vendi i duhur me

“Trendi i turizmit është gjithmonë në rritje, sidomos për Shqipërinë si një vend i paeksploruar nga vizitorët. Peshku konsiderohet si një nga ushqimet më të preferuara, e për këtë shkak, krahas gatimeve tradicionale që ka Korça, i duhej me patjetër një stil tjetër restoranti”, shprehet Ilir Gazi.

Ambienti në këtë restorant është mjaft i ngrohtë, me ngjyrat e tokës që mbizotërojnë në mure e në tavolinat dhe karriget prej druri, një stil mjaft i veçantë, i zgjedhur pikërisht nga Iliri. Ai vendosi të zgjidhte stilin neoklasik, për shkak se ngjyrat e përdorura janë të qeta dhe krijojnë ndjesinë e relaksit për të gjithë që vendosin të konsumojnë drekën apo darkën pranë Poseidon Restaurant. Veranda është pjesa më e veçantë e të gjithë ndërtesës, pasi mund të shihet gjelbërimi i pemëve, po ashtu shtëpitë karakteristike korçare, si edhe mali i Moravës, pa harruar këtu freskinë që të sjell në një ditë vere.

'Shija e detit' në Korçë/ Poseidon, vendi i duhur me

“Një kënd i veçantë i është kushtuar pikërisht verës, një pije e preferuar e qytetarëve korçarë, po ashtu edhe turistëve. Ky kënd përmban një shumëllojshmëri verash, të kuqe e të bardha, të cilësive më të mira që do të lenë mbresa te klientët. Janë më tepër se 30 lloje, ku mes tyre ka edhe të prodhuara nga vetë familja jonë. Krahas verërave të marra nga kantinat vendase, vendosëm që mes tyre të vendosim edhe verën italiane”, tregon Gazi.

'Shija e detit' në Korçë/ Poseidon, vendi i duhur me

“Për sa i përket ushqimit, kam sjellë lloje të ndryshme të peshkut, ku përfshij këtu koranin dhe belushkën, po ashtu levrekun, salmonin, kocën, e pa harruar frutat e detit të cilat janë më të veçantat dhe të preferuara nga klientët, pasi janë të gjitha produkte të freskëta. Mënyrën e gatimit duhet ta theksoj që nuk e kemi tradicionale, ato janë specialitete të vetë shefit të kuzhinës, i cili eksperimenton me produktet, si edhe me salca të ndryshme të përgatitura në moment. Normalisht servirja bëhet në mënyrë moderne, duke e bërë pjatën jo vetëm të shijshme, por edhe estetikisht të veçantë. Ajo që ka afruar së tepërmi klientët në restorant, krahas pikave që përmenda më sipër, është çmimi i vendosur për çdo produkt, çmime mjaft të arsyeshme që nuk i gjejnë në restorantet e peshkut”, shprehet Iliri.

'Shija e detit' në Korçë/ Poseidon, vendi i duhur me

Gjatë vizitës tonë pranë restorant Poseidon, u takuam me një familje greke, të ardhur posaçërisht nga Follorina e Greqisë për të provuar produktet dhe gatimet e peshkut në Korçë. Familja prej 5 anëtarësh na tregoi përshtypje mjaft pozitive lidhur me gatimet, duke treguar se nuk është hera e parë që vijnë pranë restorantit, e tashmë janë klientë besnikë të tij.

“Çdo herë që gjejmë kohën, gjatë fundjavave kryesisht, vendosim të vijmë në Korçë, duke qenë edhe qytet afër Follorinës, por edhe pse në këtë restorant gjejmë një shije të gatimeve të peshkut që na ka lënë mjaft të kënaqur. Dhe për më tepër, ua sugjerojmë të gjithë miqve e të afërmve tanë në Greqi për ta vizituar.”

'Shija e detit' në Korçë/ Poseidon, vendi i duhur me

Poseidon Restaurant është vendi i duhur ku mund të organizohen festa speciale të klientëve, po ashtu do të sjellë për të gjithë ju, mbrëmje me muzikë live, me serenata që pëlqehen aq shumë nga të gjithë.

Adresa: Bulevard Republika, Instagram Poseidon Restaurant, Për rezervime kontaktoni në 0676565656./ CNA.al