LEXO PA REKLAMA!

SHKARKO APP

E fundit!

x

Ikonë e futbollit shqiptar/ Teodor Vaso, krenaria e Korçës feston 81-vjetorin e lindjes

15 Shtator 2022, 19:09, Qyteti im CNA
Ikonë e futbollit shqiptar/ Teodor Vaso, krenaria e Korçës
Teodor Vaso me ekipin

Teodor Vason e njihni të gjithë sapo t'ia dëgjoni emrin! Ikona e futbollit shqiptar, krenaria e Korçës!

Gjatë karrierës së tij futbollistike ka shënuar 26 gola duke qenë në role mbrojtëse, dhe ka qenë përfaqësues në 36 ndeshje ndërkombëtare, 18 ndeshje me kombëtaren shqiptare, 15 ndeshje me skuadrën Partizani dhe 3 me skuadrën korçare.

Vaso thotë se çdo gjë e ke brenda vetes, talentit, dhuntisë dhe forcës tënde.

Ikonë e futbollit shqiptar/ Teodor Vaso, krenaria e Korçës

Sot, legjenda Teodor Vaso feston 81-vjetorin, ndërsa e sot e kësaj dite shfaq një energji të pashtershme, me një histori legjendare që mban mbi supe, e që kujton me shumë nostalgji çdo moment në karrierën e tij futbollistike.

Që në moshën 16-vjeçare Todo u bë pjesë e stërvitjes me të rriturit e ekipit të Dinamos, e prej atëherë, u bë i pandashëm në futbollin shqiptar duke dhuruar emocione nga më të veçantat për sportdashësit.

Ikonë e futbollit shqiptar/ Teodor Vaso, krenaria e Korçës

"Vlerat cilësore në sport maten në garat e rangut Evropian dhe botëror. Si mbrojtës dhe si mesfushor, kam luajtur dhe jam përballuar me sukses të plotë, kundër futbollistëve me emër, si; Held, Xhaic, Netxer, Overat, Lubanski…kampionë bote dhe N/Kampionë Europiane të RF Gjermane, Jugosllavisë, por dhe të Polonisë e 4-ta në botë. Provimet më të vështira , i pata me dy të mëdhenjtë Xhaic dhe Netxer, njëri sulmuesi i majtë, më i mirë i Europës, tjetri një nga mesfushorët më të mirë të botës e të kohës,ashtu sikurse me sukses të plotë luajtën A.Mema (1967) dhe R.Rragami (1971), kundër Overat, gjithashtu dhe Bizi kundër Bekenbauer më 1971-ë." - thotë Vaso.

Nuk do të mjaftonte vetëm një shkrim i tillë për të treguar për lexuesit të gjithë karrierën e Teodor Vasos! Si një futbollist profesionist, Vaso ka 5 pika që e përshkruajnë më së miri!

Ikonë e futbollit shqiptar/ Teodor Vaso, krenaria e Korçës

"DASHURIA -, për njerëzit cilëtdo qofshin ata në fe, racë, dhe ide.

INTELEKTI-, për tu orientuar në zgjidhjen e problemeve të shumta në jetë.

DYSHIMI-, nëse është bërë më e mira, më drejta dhe kush është e vërteta.

PËRGJEGJSHMËRIA,-ndaj familjes dhe shoqërisë.

NDËRGJEGJSHMËRIA - Kombëtare deri në sakrificë.

Në vitin 1967, në ndeshjen në Tiranë kundër Ekipit Kombëtar të RF Gjermane, sakrifica ime kaloi në çastet më sublime, si shkalla më e lartë e përkushtimit." - tregon Vaso.

CNA.AL shpreh urimin për legjendën korçare! Gëzuar ditëlindjen, mjeshtër!

Lajmet e fundit nga