web counter
LEXO PA REKLAMA!

SHKARKO APP

App Store
Google Play

E fundit!

x

Festa e rakisë në Boboshticë/ Destinacioni i fundjavës mes gatimeve tradicionale dhe bukurisë së zonës

25 Shtator 2022, 18:22, Qyteti im CNA
Festa e rakisë në Boboshticë/ Destinacioni i fundjavës mes
Foto ilustruese

E kthyer tashmë në traditë është organizuar për të disatin vit rradhazi Festa e Rakisë në fshatin Boboshticë të Korçës.  Ky fshat është i njohur jo vetëm për mikpritjen por edhe për prodhimin cilësor të rakisë së manit.  Manat shekullore identifikojnë Boboshticën e banorët e zonës janë zanatçinj të nxjerrjes së kësaj pije me shije të veçantë por e njohur dhe për vetitë kurative.

“Sot në stendën tonë po shërbejmë raki dhe disa produkte të tjera tradicionale të fshatit tonë. Kemi raki mani, dhe krahasuar më të tjerat, kjo lloj rakie ka ngjyrën e saj të gjelbër që nuk e kanë të tjerat dhe që është e veçantë për shijen. Kjo festë është traditë për Boboshticën, dhe zhvillohet çdo vit.” – shprehet njëra nga vajzat e stendave.

Për kryeplakun e fshatit Boboshticë, kjo është një ndër festat më të rëndësishme, edhe pse jo e vetmja që organizohet.

Festa e rakisë në Boboshticë/ Destinacioni i fundjavës mes

“Kjo festë është shumë shekullore, ashtu si manat. Ne e preferojmë alegrinë, dhe për këtë arsye e duam edhe rakinë për ta konsumuar. Pjesëmarrja gjithmonë ka qenë më e madhe, por këtë vit duket pak më e ulët, por megjithatë prapë s’kanë munguar banorët dhe korçarët të bëhen pjesë e festës.”.

“Jam fanse e rakisë, më pëlqen rakia e manit. Është raki shumë e mirë dhe të bën mirë edhe për shëndetin. Unë vij nga Korça, dhe çdo vit bëhem pjesë e kësaj feste bashkë me familjen time dhe me miqtë. Atmosfera më duket e mirë, ka patur më tepër pjesëmarrës vitet e kaluara megjithatë edhe pak i ftohti ka ndikuar.” – shprehet një korçare.

Festa e rakisë në Boboshticë/ Destinacioni i fundjavës mes

Boboshtica ka pasur një tkurrje të popullsisë  të cilët janë larguar në emigrim e ndërkohë ka nga ata që e shohin këtë vend si potencial për tu kthyer e për të investuar në vendin e tyre.

“Tradita e rakisë është trashëguar ndër breza, që nga stërgjyshërit, gjyshërit tanë, dhe ne që mundohemi t’ua trashëgojmë të rinjve. Mani është një pemë që nuk pranon ilaçe, rritet vetë e po ashtu bie vetë, dhe ne I mbledhim për ti kthyer në raki. Kjo është më kryesorja, që bën dallimin nga rakitë e tjera dhe të zonave të tjera.” – tregon një nga banorët e Boboshticës.

Festa e rakisë në Boboshticë/ Destinacioni i fundjavës mes

Promovimi i traditës së prodhimit të rakisë së manit, ndërthurur me gatimet dhe muzikën tradicionale solli një atmosferë festive dhe të ngrohtë mbrëmjen e së shtunës në fshatin turistik të Boboshticës./CNA.al

 





Lajmet e fundit nga