web counter
LEXO PA REKLAMA!

SHKARKO APP

App Store
Google Play

E fundit!

x

Kur dora e njeriut nuk prek natyrën/ Turistët e huaj, për Kolonjën: Është parajsa në tokë

3 Tetor 2022, 15:48, Qyteti im CNA

Kur dora e njeriut nuk prek natyrën/ Turistët e huaj, për

Kolonja është duke përjetuar momentet më të mira të saj në turizëm. Natyra e paprekur nga dora e njeriut, ushqimet tradicionale, turizmi malor dhe mikpritja duket se kanë sjellë me qindra turistë shqiptarë e të huaj në këtë zonë. CNA.al sjell përshtypjet e tre shtetasve francezë, të cilët kanë vendosur të kalojnë javën në fshatin turistik të Rehovës, i njohur ky për turizmin familjar.

"Kemi ardhur në Kolonjë sepse kemi dëgjuar për të nëpërmjet rrjeteve sociale, këtu është parajsë për ne francezët. Ushqimi i shijshëm dhe bio, çmimet shumë të lira, njerëzit tejet mikpritës dhe natyra fantastike. Ne tani ishim në malin e Gramozit e po kthehemi, ishte mrekulli vërtet.” – shprehet Ema Corne.

Kur dora e njeriut nuk prek natyrën/ Turistët e huaj, për

"U tremba pak kur po vija këtu sepse rruga nuk ishte shumë e mirë, por kur arrita kuptova që ishte vendi i duhur për të pushuar. Ne jemi me një guidë me vete, ai po na tregon historinë që mbart ky vend, njerëzit që kanë luftuar për atdhe. Mua më pëlqen Kolonja për faktin se këtu mund të bësh çfarë të duash, hiking, plazh në rezervuar, canoe, mund të provosh me dhjetëra ushqime pa harxhuar lek dhe mund të dalësh xhiro në çfarë ore të duash, të gjithë të ndihmojnë", – thotë Siriel Gonsalez.

Kur dora e njeriut nuk prek natyrën/ Turistët e huaj, për

"Ne jemi 7 veta që vijmë nga Franca, peizazhi është i mrekullueshëm, por mua më ka bërë përshtypje turizmi familjar në Rehovë. Pronari shtëpisë dhe gruaja e tij gatuajnë për ne, na ndihmojnë, na këshillojnë, kjo kurrë nuk ndodh në Francë. Duhet të përmirësohet infrastruktura, por besoj do behet me kalimin e kohës" – tregon Pier Marques.

Kur dora e njeriut nuk prek natyrën/ Turistët e huaj, për

Një prej operatorëve turistik të zonës tregon se ky vit ka sjellë pafundësisht turistë, aq sa nuk mund t'i përballojnë dot.

"Sivjet ishte viti që kanë ardhur dyndjet me të mëdha të turistëve, si vendas por dhe të huaj. Është pafund pafund, nuk e përballojmë dot kaq fluks të madh. Fundjava ishte plot, nuk i përballojmë dot nuk jemi ende gati për turizëm në Kolonjë. Shqiptarë të ikur në Amerikë nga gjithë vendet e botës, për Kolonjën kanë kuriozitet të madh. Janë shumë të kënaqur dhe kanë parë që ky vend është kaq i mrekullueshëm e nuk e kemi vizituar ndonjëherë, si për ambientin, qytetin, qetësisë dhe ushqimit tradicional. 1:04 pëlqejnë gatimet pacarak, pispili, çorbën tradicionale me oriz dhe dhallë, biot e sezonit, lakrori me kumbullat e thata, puthin duart klientët që kanë ardhur tani" – thotë Luljeta Milo, pronare e një hoteli.

Kur dora e njeriut nuk prek natyrën/ Turistët e huaj, për

Bashkia e Kolonjës çdo natë organizon evenimente ne sheshin"Rilindja" në Ersekë. Këngëtarja e famshme Irini Qirjako, e ftuar për të performuar në një eveniment të organizuar nga Bashkia tregon se është mahnitur nga peisazhi që ka përjetuar teksa ka ardhur në këtë qytet.

"Sot jemi emocionuar shumë. Kemi ardhur nga Saranda këtu në Ersekë, kaluam atë rrugën aq të bukur që nuk e kisha parë ndonjëherë. Nga Përmeti deri këtu ishte fantastike, ato pishat. 1:24 duhet vizituar, të bëhet dhe ajo rruga, Rruga ishte një liqen duke ecur, rezervuar ishte fantastik. Kampingje për njerëzit që duan të shërohen nga mushkëritë. Po po ua sugjeroj te vijnë. Dhe goca ime nga Gjermania tha, mami do e vizitoj Kolonjën sa te kthehem " – shprehet Qirjako.

Gjatë 3 viteve të fundit turizmi në Kolonjë ka qenë në zhvillim, teksa ka patur dhe investime private në këtë drejtim.

Galeria e fotove : https://we.tl/t-eoez5nPTND/CNA.al





Lajmet e fundit nga