Një mrekulli e trashëgimisë kulturore shqiptare/ Banesa e Vangjush Mios, pjesë e programit të Rijetësimit

10 Tetor 2022, 21:52, Qyteti im CNA

Një mrekulli e trashëgimisë kulturore shqiptare/ Banesa e

Banesa e Vangjush Mios

Vangjush Mio ishte piktori i parë impresionist në Shqipëri. Ai njihet më së shumti për peizazhet dhe konsiderohet si peizazhisti më i përkryer shqiptar shqiptar i shekullit XX. Temat e tij të parapëlqyera i merrte nga Korça, Pogradeci dhe rrethinat, por ai përjetësoi në punimet e tij edhe qytete të tjera si Tirana, Elbasani, Himara, Berati dhe Gjirokastra. Përveç peizazheve, Mio ishte brilant edhe në pikturimin e portreteve. Ai ishte njëkohësisht edhe skenograf i teatrit të qytetit të Korçës.

Një mrekulli e trashëgimisë kulturore shqiptare/ Banesa e

“Banesa e Vangjush Mios është një ndër më të veçantat në rajonin e Korçës, dhe pjesë e një ansambli unik. Për fat të mirë, ruhet një pjesë shumë e rëndësishme e Mios, ku më parë ka qenë banesa ku ka jetuar piktori, e më pas e ka kthyer në studion e vet. Ka tri salla ekspozimi, në një prej tyre dominojnë punët që ka realizuar Mio në Itali me një mjeshtëri shumë të madhe, ndërkohë që ka realizuar edhe krijimtarinë e tij me peisazhe të Korçës. Ai ka pikturuar pothuajse të gjitha qytetet shqiptare të viteve 1930, duke nisur nga Tirana si kryeqytetin e Shqipërisë”, thotë Gjergji Koki.

Një mrekulli e trashëgimisë kulturore shqiptare/ Banesa e

Tashmë banesa e piktorit Vangjush Mio është pjesë e programit të Bonusit të Rijetësimit, një nismë e ndërmarrë për herë të parë nga ministria, në funksion të trashëgimisë kulturore si dhe për të krijuar mundësi të zhvillimit të turizmit.

“Objekti ka qenë i mbyllur, duke pasur nevoja për t'u ndërhyrë, kryesisht në fasadën e tij. Qëllimi është që t'i kthehet prestigji i duhur në pjesën e aparencës duke ruajtur me fanatizëm çdo vlerë të trashëgimisë kulturore që kjo banesë ka. Për sa i përket pjesës së brendshme, synimi është të hapen tri salla të reja që më parë kanë qenë jofunksionale, për të ekspozuar punët e piktorit Mio. Këto piktura do të vihen në dispozicion nga vetë familja dhe do të shfaqen për herë të parë për publikun artdashës”, thotë Koki.

Një mrekulli e trashëgimisë kulturore shqiptare/ Banesa e

Interesi i vizitorëve është çdo vit e në rritje për sa u përket atraksioneve turistike kulturore që ka Korça, aq më tepër për banesën e piktorit Mio, i cili ka realizuar qindra punime peizazhi, portreti, me aq mjeshtëri, duke paraqitur vlera të paçmueshme të artit shqiptar. Gjatë 40 viteve karrierë të lavdërueshme, ai realizoi mbi 400 vizatime dhe 130 piktura. Rreth 60 punime të tij mund të admirohen në Galerinë Kombëtare të Arteve në Tiranë. Veprat e tjera, rreth 40 piktura nën kujdesin e Rozetës, bijës së tij, ekspozohen në këtë banesë që tani njihet si Muzeu Vangjush./ CNA.al