web counter
LEXO PA REKLAMA!

SHKARKO APP

App Store
Google Play

E fundit!

x

Kori "LIRA”, krenaria korçare

23 Tetor 2022, 17:13, Qyteti im CNA
Kori "LIRA”, krenaria korçare
Kori "LIRA"

Kori "LIRA", ky emër kaq i vjetër përmban në vetvete thesarin e këngëve të qytetit të Korçës, duke u bërë simboli i këngës qytetare korçare. Ai u formua rreth viteve 1917 -1922 si vazhdimësi e formacioneve instrumentale - korale dhe e grupeve të asaj kohe. Pas vitit 1928, drejtimin e këtij grupi e mori profesori i ri i muzikës, i cili kishte mbaruar studimet e larta në Konservatorin e Bukureshtit, z. Sotir Kozmo. Ai si profesionist punoi për rritjen e cilësisë së grupit por ka edhe meritën sepse ngriti të parin grup koral me vajza në qytetin e Korçës.

Kori "LIRA”, krenaria korçare

Meritën kryesore në këtë zhvillim e kishte rinia korçare, si edhe ata që shkruan tekstet e këngëve dhe kompozuan muzikën për këtë kor, siç janë : Mihal Grameno, Thoma Nasi, Spiridon Ilo, Koli Rodhe, Mihal Ballkameni dhe shumë të tjerë të cilët kanë mbetur anonimë. Gjatë gjithë këtyre viteve të ekzistencës së tij, grupi ka ekzekutuar më shume se 200 këngë patriotike, lirike dhe satirike të trevës së Korçës.

Kori "LIRA”, krenaria korçare

Kori "Lira" festoi 102 vjetorin e krijimit të tij, me një koncert jubilar në Korçë. Me një reportor të zgjedhur, nga serenatat deri në këngët e huaja, me një ndërthurje midis grupmoshës të tretë dhe të rinjve, emocionet ishin të forta për pjesëmarrësit. Drejtuesi i Korit "Lira", Pandi Bello, tregon se janë me qindra këngët e krijuara nga ky grup, ndërkohë që në këtë koncert u luajtën disa prej tyre.

Kori "LIRA”, krenaria korçare

"Repertori i Korit në këto momente janë mbi 100 këngë që janë aktive por janë me qindra të tjera që nuk realizohen në çdo moment, por merren duke u trajtuar përsëri, ka këngë të reja, stile të reja e nga ana tjetër pasqyrojnë korin dhe lidhen me Korçën, serenata, këngë patriotike, lirike, në stil popullor që vijnë në formë klasike. Koncerti ishte jubilar, lidhet me 102 vjetorin e aktivitetit të korit Lira. Ky program ka dashur të prekë në linja të gjera repertorin e korit, duke menduar që nuk është vetëm i një periudhe të traditës por edhe pjesë të viteve të fundit të cilat janë shtuar në repertor. Të gjitha këto këngë të shtuara në repertor, janë të zgjedhura në stilin e përafërt dhe e pasurojnë më tepër arkitekturën e reperturës së korit”– tregon dirigjenti Bello.

Kori "LIRA”, krenaria korçare

Kori "Lira" është një nga grupet me të vjetra ballkanike, i cili ka prodhuar me qindra serenata të cilat ende sot këndohen e pëlqehen aq shumë nga artdashësit korçarë dhe vizitorët./ CNA.al





Lajmet e fundit nga