web counter
LEXO PA REKLAMA!

SHKARKO APP

App Store
Google Play

Foto-video/ Peza kthehet në atraksion turistik për fundjavë/ Vendasit dhe të huajt shijojnë motin dhe natyrën

19 Mars 2023, 15:06, Qyteti im CNA
Foto-video/ Peza kthehet në atraksion turistik për fundjavë/
Pamje nga Peza në fundjavë

Peza, është një fshat rreth 35 minuta larg qendrës së Tiranës, i cili është kthyer në një atraksion turistik.

Ky fshat ka rrëmbyer të gjithë vëmendjen jo vetëm të qytetarëve që duan të kalojnë një fundjavë larg zhurmës dhe jetës së shpejtë të kryeqytetit, por edhe të turistëve.

Këtë fundjavë, Peza është tejmbushur nga mijëra persona që kanë vendosur të shkëputen nga rutina e tyre e përditshme për t'u argëtuar apo për të pushuar.

Duke pasur në favor motin e ngrohtë dhe natyrën, shumë familjarë kanë vendosur të kalojnë me të dashurit e tyre këtë diel duke bërë piknik dhe duke lujatur me fëmijët e tyre.

Peza është një vend ideal për të gjithë ata që kërkojnë të relaksohen pas një jave të lodhshme në punë.

Pasi largohesh nga Tirana dhe sapo hyn në rrugën e Pezës syri të zë kodra dhe fusha të mrekullueshme dhe ferma. Peza ka një fushë të madhe që shpesh popullohet gjatë festave për piknike familjare.

Gjithashtu ky fshat njihet dhe për ushqimin shumë të freskët direkt nga ferma në tryezë.

Vizitorët mund të luajnë futboll apo lojëra të tjera, ndërsa fëmijët mund të ngrenë balonat e tyre. Është një vend fanstatik për udhëtime familjare.

Ashtu siç shihet edhe nga pamjet, ka një numër të lartë qytetarësh që kanë zgjedhur pikërisht këtë vend për të luajtur, për të bërë piknik me familjarët e tyre, për t'u çlodhur dhe për t'u argëtuar këtë fundjavë.

Për më tepër shihni galerinë e mëposhtme./ CNA.al

 

 

 

 





Lajmet e fundit nga