LEXO PA REKLAMA!

SHKARKO APP

Korça, destinacioni perfekt për të kaluar natën e ndërrimit të viteve!

31 Dhjetor 2022, 12:25, Qyteti im CNA

Korça, destinacioni perfekt për të kaluar natën e

“Parisi i vogel” mirëpret mijëra vizitorë, me një organizim të veçantë në çdo restorant, bujtinë, hotel dhe shtëpi pritëse. Atmosfera festive ndihet në çdo cep të qytetit, në bulevardet e Korçës, në Pazarin e Vjetër, ku shumëllojshëmria e dritave dhe objekteve, përcjellin ndjesinë e të qënurit në një qytet përallor.

Sheshi para Katedrales është bukuria dhe veçantia e Korçës. U bënë ditë tashmë që çdo pasdite ky shesh gëlon nga zërat e fëmijëve, dhe nga mijëra qytetarë që bëjnë fotot e rradhës për ti patur në albumin e tyre familjar. Një kënd lojërash i përshtatur jo vetëm për fëmijë, por edhe të rritur që rikthejnë fëmijërinë e tyre për disa orë të bukura që kalojnë pikërisht të ky kënd. E pa harruar “Syrin e Korçës” që të lejon të shohësh të gjithë qytetin nga lartësia.

Jemi në ditën e fundit të vitit 2022, në pritje për një vit të ri, dhe kuzhina që do të shoqërojë darkën e restoranteve mbetet më e mira në vendin tonë. Me lloje të ndryshme të mishit, si ai i qingjit, i gjelit të detit, me sallatrat, pjatat e tjera që kanë mes tyre edhe zahiretë e dimrit, si edhe me bakllavanë aq të dashur e të pëlqyer për të gjithë. Patjetër që vera ze pjesën më të rëndësishme të tavolinës, me një shumëllojshmëri qe e ofron çdo restorant, si edhe me verë të përgatitur nga vetë korçarët.

Bukuria e festës nuk shijohet vetëm në qytët por edhe në rrethina, e pikërisht në fshatrat turistikë të Dardhës e Voskopojës. Me ambjente ndryshe nga Korça, me shtëpizat e vogla të drurit, oxhaqe të ndezura dhe ai arredimi i thjeshtë që të bën të ndihesh si në shtëpi. Edhe në këto fshatra, qindra turistë kanë prenotuar për natën e ndërrimit të viteve.

Në këtë natë nuk do të mungojnë serenatat korçare, aq të njohura në mbarë vendin, e me kitarat që s’do të pushojnë deri në orët e para të mëngjesit. E ku ka më bukur?

Korça di të festojë! Korça di të mirëpresë!

Lajmet e fundit nga