E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Ujëra të kristalta, fshatra piktoreske dhe trashëgimi kulturore/ Disa nga perlat e Shqipërisë përmes fotove

12 Shkurt 2023, 15:08, Qyteti im CNA

Ujëra të kristalta, fshatra piktoreske dhe trashëgimi kulturore/

Foto ilustruese

Shqipëria është një nga destinacionet më të bukura dhe të preferuara jo vetëm nga shqiptarë por edhe të huajt.

Shpesh mediat e huaja e sugjerojnë dhe e quajnë një destinacion mahnitës për shkak të vijës bregdetare dhe pamjeve piktoreske të fshatrave.

Natyra e virgjër dhe misteret kulturore kanë qenë gjithnjë një pikë e fortë, ku turistët tërhiqen për të vizituar të paktën një herë Shqipërinë.

E nëse e vizitojnë njëherë, turistët e shfaqin dëshirën për tu rikthyer në këtë vend të pikturuar magjishëm, me bregdet, me male, me fusha, me qytete të gjelbërta e të gurta dhe plot histori.

Por përveç ujërave të kristalta dhe maleve me dëborë, Shqipëria është një pikë tërheqëse për turistët për historinë apo trashëgimtë kulturore, ku mund të përmendim Parkun e Butrintit, i cili është pjesë e UNESCO-s.

Më tej ne do të sjellim disa pamje piktoreske nga Saranda, Derviçani, Ksamili, Gjirokastra, Jorgucat, Syri i Kaltër, Butrinti e të tjerë.

Saranda

Nuk është vetëm det dhe natyrë, por në qytet ka edhe një zonë të rëndësishme arkeologjike: qyteti antik i Butrintit. Ky vend ndodhet pasi kalon qytetin dhe përmban dëshmi historike me vlerë të madhe. Në Butrint ekziston një amfiteatër klasik me kolona të lashta, rrënoja të vjetra romake, një bazilikë, duke dëshmuar kalimin e popujve të ndryshëm. Zona arkeologjike gjendet në një pyll që është Parku i Butrintit është gjithashtu i rëndësishëm për ruajtjen e biodiversitetit global, sepse përfshin 14 lloje kafshësh dhe 16 bimët në rrezik zhdukjeje.

Butrinti

Një zonë tjetër që duhet parë pranë Sarandës është Syri i Kaltër, që gjendet rreth gjysmë ore larg qytetit. Është një burim i fshehur rreth 50 metra i thellë me ujë shumë të ftohtë. Uji krijon flluska në sipërfaqe duke dhënë një shfaqje unike. Më të guximshmit zhyten në ujërat e Syrit të Kaltër, megjithëse është e ndaluar.

Syri i Kaltër

Një tjetër vend shumë i bukur në afërsi të Sarandës është edhe Ksamili, i cilësuar edhe si Maldivet e Shqipërisë. Një parajsë e vërtetë e formuar nga shumë limane, i mbuluar me ujë të pastër kristal dhe tre ishuj që mund të hulumtohen me një varkë me pedale.

Derviçan

Derviçan është një vendbanim në ish- komunën e Dropullit të Poshtëm, Qarku i Gjirokastrës, në jug të Shqipërisë. Me reformën e qeverisjes vendore 2015 u bë pjesë e bashkisë Dropull. Është brenda rajonit më të madh Dropull.

Ksamili

Ksamili është cilësuar dhe si perla e Jonit dhe qëndron para ishullit të Korfuzit, pak kilometra nga kufiri grek. Këtu ndodhen ishujt, të cilët mund t’i eksplorosh me not ose me një udhëtim me varkë, duke lënë prapa Parkun Kombëtar të Butrintit, një nga parqet më të bukura arkeologjike të Ballkanit.

Gjirokastra

Gjirokastra është një qytet i UNESCO-s dhe ndodhet një orë e gjysmë larg Ksamilit. Qyteti i Vjetër është i njohur për shtëpitë e tij prej guri dhe arkitekturën. Ky destinacion është, gjithashtu, shtëpia e një prej kështjellave më të pabesueshme në Shqipëri, në të cilën mund të kaloni orë të tëra duke eksploruar dhe mësuar mbi historinë.

Për të tepër shihni galerinë e mëposhtme./ CNA.al