web counter
LEXO PA REKLAMA!

SHKARKO APP

App Store
Google Play

E fundit!

x

Nënshkruhet marrëveshja/ Universiteti i Korçës bashkëpunon me Universitetin e Tiranës

27 Tetor 2023, 19:57, Qyteti im CNA
Nënshkruhet marrëveshja/ Universiteti i Korçës
Foto ilustruese

Universiteti Fan Noli ka nënshkruar një marrëveshje bashkëpunimi me universitetin Politeknik të Tiranës, në një takim të zhvilluar mes dy rektorëve dhe përfaqësues të senatit akademik.

Qëllimi i këtij bashkëpunimi lidhet me shkëmbimin e eksperiencave të pedagogëve jo vetëm tek studentët korçarë por edhe më gjerë si edhe në tendencat e reja për programe të përbashkëta.

Në fjalën e tij për mediat, rektori i universitetit të Korçës, Dhimitër Bello ka treguar risitë që sjell ky bashkëpunim mes universiteteve.

"Ne sapo nënshkruam një marrëveshje mes universiteteve. Marrëveshja kuadër përfshin shumë pika bashkëpunimi ndërmjet të cilave edhe hapja e programeve të përbashkëta. Gjë konkrete pasi do ngrihen grupe pune specialistësh të programeve përkatëse, që janë risi dhe mund të jenë unikale në vend për tu hapur konkretisht në univetsitetin e Korçës dhe universiteti Politeknik ka kapacitetet e duhura akademike për të na ndihmuar në këtë pjesë. Procesi i profilizimit nuk na takon ne janë struktura të tjera që merren por kur themi programe unike do të thotë që do të jetë program i veçantë i cili automatikisht është i profilizuar dhe ngelet”, është shprehur për CNA Bello.

Edhe për rektorin e Universitetit Politeknik Andrea Maliqari, marrëveshja ka për synim ngritjen e një stadi të ri bashkëpunimi për të çuar përpara zhvillimin e arsimit të lartë.

"Është një marrëveshje e cila synon ta ngrejë në një stad të ri bashkëpunimin. Natyrisht që ndryshimet që kanë ndodhur në zhvillimin e arsimit të lartë në Shqipëri por edhe në Evropë kërkojnë një vizion të ri në lidhje me universitetet dhe në këtë aspekt unë e shikoj shumë të rëndësishme që internacionalizimi, bashkëpunimi janë dy elementë shumë të rëndësishëm që e çojnë përpara zhvillimin e arsimit të lartë.  

Universitetet e huaja na krijojnë mundësinë që ne të integrohemi në Evropë dhe të avancojmë me zhvillimin e programeve por nuk mund të shkojë vetëm një universitet në zhvillimin e arsimit të lartë, duhet të shkojmë së bashku. 

Ne sot po nënshkruajmë një marrëveshje duke synuar në tendencat e reja, në programet e përbashkëta në shkëmbimin e eksperiencave të pedagogëve, jo vetëm të studentëve korçarë por edhe më gjerë”, është shprehur ai.

Takimi zgjati më tepër se një orë në ambjentet e rektoratit të universitetit të Korçës, ku u diskutua ky bashkëpunim, e më pas u finalizua edhe marrëveshja mes palëve.

Nuk dihet ende do të jenë gati programet vitin e ardhshëm akademik pasi sipas rektorëve ky është një proces që zgjat dhe duhët të orientohet në mënyrën e duhur për të ofruar cilësi dhe standarde të larta./ CNA





Lajmet e fundit nga