web counter
LEXO PA REKLAMA!

SHKARKO APP

App Store
Google Play

E fundit!

x

Ekspozita “Ditët e Mios”/ Korça pret mbi 50 piktorë, qendra e artit pamor

29 Tetor 2023, 17:10, Qyteti im CNA

Ekspozita “Ditët e Mios”/ Korça pret mbi 50

Mbrëmjen e kësaj të shtune në Korçë u çel edicioni i 13-të i ekspozitës "Ditët e Mios". Pjesëmarrës në këtë ishin mbi 51 piktorë shqiptarë dhe të huaj të cilët kanë pikturuar objekte, peisazhe të Korçës por edhe rrethinave. Katedralen e Korçës e ka hedhur në telajo kosovari Genc Bekteshi, ndërsa tregoi eksperiencën e tij në juglindje.

“Jam shumë i lumur që isha në këtë organizim. Ditët kaluan shumë mirë, njohëm shumë nejrëz të dashur, shpresoj të vij sërish.”, tha Genc Bekteshi.

Nuk kanë munguar as artistët nga Maqedonia e Veriut. Pas 11 viteve shkëputje, Burhan Ahmeti është rikthyer në këtë koloni dhe ka pikturuar "Shtëpinë Rumune" në pedonalen e qytetit për të treguar arkitekturën e veçantë të saj.

“Kësaj radhe pashë shumë ndryshime për mirë. Kaluam ditë të bukura.”, tha Burhan Ahmeti.

Piktori francez Jeef Roland tha se shpreson të kthehet sërish në Shqipëri.

"Është një koloni e mrekullueshme.  Jam shumë i lumtur që u bëra pjesë në Korçë që është një qytet që e admiroj.   Është një qytet ki unë do të mund të jetoja dhe atmosfera është shumë e mirë jo vetëm për artistët por për cilindo.  Ka një solidaritet dhe një dashamirësi që ndjehet dhe kjo është diçka që më frymëzon shumë ndaj jam i lumtur që isha pjesë e kolonisë dhe të realizoj një punim timin.   Shpresoj të kthehem përsëri në Shqipëri dhe në Korçë në veçanti.  Ne asnjëherë nuk duam ta lemë fëmijën që kemi brenda vetes të vdesë, duam ta mbajmë gjallë dhe ti qëndrojmë besnikë ëndrrave dhe dëshirave që kishim kur ishim fëmijë sepse në atë moshë ne donim diçka dhe e dinim me saktësi çfarë donim nga jeta, ishim plot shpresë për të ardhmen dhe ky është mesazhi im.  Piktura ime shpesh mund të duket fëminore por kjo është një strategji që e bën shikuesin të shohë me sytë e një fëmije. 

Nëse e sheh me vëmendje mund të dallosh pak hijen e kishës që ndodhet në qendër dhe shpresoj që ne Ditët e Mios të kuotohet që ashtu si ai që u përpoq të sillte jetën ashtu siç ishte dhe të jepte shpresë me mënyrën e tij qëllimi mbetet i njëjti për të gjithë artistët, të ruajnë jetën dhe të zgjojnë tek njerëzit dëshirën për të jetuar dhe sigurisht të krijojnë.", u shpreh Roland.

“Pjesëmarrja në këtë ekspozitë ka qenë tepër e lartë sipas Blerta Belliut, e cila tregon se pjesë janë bërë piktorë nga 15 vende të botës, me 29 piktorë të ftuar dhe 23 piktorë lokalë. Synimi mbetet kthimi i Korccës në qendër të artit pamor.”, shtoi ai.

Dhjetra artistë e qytetarë korçarë u bënë pjesë e ekspozitës, duke shikuar punimet e veçanta që u krijuan në këtë edicion të 13-të të kolonisë "Ditët e Mios"./ CNA





Lajmet e fundit nga