web counter
LEXO PA REKLAMA!

SHKARKO APP

App Store
Google Play

E fundit!

x

21 kitara bashkë/ Korça, vjen me një kartolinë urimi ndryshe

17 Dhjetor 2023, 19:19, Qyteti im CNA
21 kitara bashkë/ Korça, vjen me një kartolinë urimi
Këtë vit është zgjedhur kitara si simbol i Korçës

Si rrallë herë Korça këtë vit ka ardhur me një kartolinë ndryshe për urimin për  festat e fundvitit. Kitara si simbol i Korçës , muzikës e traditës  është përzgjedhur për të qënë pjesë e një urimi kaq të veçantë e cila e identifikon si qytet duke bërë bashkë  21 kitara. Artistë të rinj, profesionistë dhe të apasionuar pas kitarës kanë performuar në pedonalen e qytetit në zonën këmbësore duke sjellë një atmosferë të ngrohtë. Artistët pjesë e këtij aktiviteti shprehen të lumtur duke treguar se pasioni dhe tradita e qytetit të serenatave do të vazhdojë.

“Është kulturë për mua pasi Korça njihet për serenatat. Kam 5 vite e gjysmë që luaj.”, tha njëra nga artistet.

Sipas Blerta Belliut është hera e parë që një performancë e tillë organizohet jo vetëm në Korçë por për herë të parë në Shqipëri janë bërë bashkë 21 kitara e pse jo kjo traditë të vazhdojë  duke u shtuar nga viti në vit.

“E nisim me traditën, me historinë tonë. Për herë të parë kemi 21 kitara, Shpresoj të rriten në vitet në vijim.”, tha Blerta Belliu.

Reportori i përzgjedhur me shumë kujdes në këtë kartolinë urimi ishin ato tradicionale të Korit Lira, pra një trashëgimi e cila personifikon Korçën .

“Ka materiale që janë melodi të krijuara nga të parët tanë. Janë melodi tradicionale.”, tha Balliu.

Ky urim i veçantë muzikor i së shtunës mbrëma bëri bashkë qytetarë të shumtë të cilët shijuan tingujt e muzikës duke sfiduar edhe temperaturat e ulta./ CNA





Lajmet e fundit nga