web counter
LEXO PA REKLAMA!

SHKARKO APP

App Store
Google Play

E fundit!

x

Mjeshtrat e gurit risjellin në "jetë" kalldrëmet e Gjirokastër/ Punimet që tërheqin tursitët

20 Janar 2024, 15:14, Qyteti im CNA
Mjeshtrat e gurit risjellin në "jetë" kalldrëmet e
Foto ilustruese

Mjeshtrat e punimit të gurit janë rikthyer në qytetin e “gurtë” të Gjirokastër për të rikonstruktuar rrugët e këtij qyteti i cili 20 vite pas rënies së komunizmit ka humbur më shumë se 20 km rrugë.

Dy mjeshtrat Zylfo Mahmutaj dhe Adriatik Sulejmani gjatë një interviste për mediat janë shprehur se po ndërtojnë një rrugë me kalldrëm në lagjen Varosh.

Ata kanë ndarë sekretin se si punohen rrugën me kalldrëm.

“Guri i zi është shumë i vështirë si në skalitje si në vendosje, do shumë saktësi. Është zanat i vështirë dhe brezave vështirë t’jua përcjellim se nuk e duan. Edhe nëse vijnë pesë ditë që na furnizojnë me materiale e bëjnë nga halli se nuk e kanë qejf”, është shprehur Mahmutaj.

“Kam punuar tre vite si punëtor në socializëm. Pastaj ika në emigrim e të njëjtën gjë bëra edhe atje. Tani jam kthyer prapë që të bëjmë kalldrëmet e reja të Gjirokastrës”, ka thënë Sulejmani.

Zylfo Mahmutaj është shprehur se rrugët me kalldrëm tërheqin dhe vëmendjen e turistëve dhe shpesh ata ndalojnë për t’i pyetur se si punohet.

“Turistët nga kanë fotografuar e filmuar dhe janë pak të çuditur. Madje një grup italianësh në pazar na thanë pse nuk e prisni gurin me sharrë? Ju thamë që sharra ka plot por nuk bëhet kalldrëmi me sharrë, duam natyralen, origjinalen. Atëherë kuptohet ç’është puna”, thotë Zylfo Mahmutaj.

“Edhe turistë vijnë e na shikojnë e na bëjnë foto kurse gjirokastritët që kanë ngelur se të shumtët kanë ikur vijnë dhe shikojnë ndonjëherë rrijnë edhe gjysmë ore e më shumë dhe thonë fjalët më të mira për rikthimin e zanatit”, tha Adriatiku./ CNA





Lajmet e fundit nga