E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Përkujtohet Skënder Rusi/ Poeti do të festonte datëlindjen e 72-të

17 Korrik 2024, 22:55, Qyteti im CNA

Skënder Rusi, poeti i madh korçar, do të festonte ditëlindjen e tij të 72-të. Ai sot nuk është më, por ka lënë pas një trashëgimi të madhe në letërsinë shqiptare me poezitë e mrekullueshme që ka krijuar ndër vite. Skënder Rusi i ka kushtuar vargje jetës, dashurisë, dhimbjes, qytetit të tij të zemrës, Korçës. Poetët meritojnë të kenë vetëm ditëlindje, e për këtë arsye, në këtë ditë të shënuar, u zhvillua një mbrëmje poetike në ambjentet e Galerisë së Arteve Digjitale. Pjesë e kësaj mbrëmje ishin familjarë, miq e kolegë të lirikut korçar, i cili ndërroi jetë në 31 Maj të këtij viti.

Eris Rusi, djali i Skënderit, përkthyes e shkrimtar, në këtë përvjetor të ditëlindjes së babait të tij, është shprehur se mungon njeriu por jo shpirti i tij. Me plot emocione të forta në këtë mbrëmje, ai rikthen në kujtesë zërin e babait të tij nëpërmjet poezive që ai ka lënë pas, gjë që i sjell edhe më tepër forcë për të ecur përpara e për të nderuar kujtimin e të madhit Skënder Rusi.

Përkujtohet Skënder Rusi/ Poeti do të festonte datëlindjen e

"Sot në këtë ditëlindje të poetit mungon njeriu por jo shpirti i tij dhe poet, krijues dhe dashamirës të fjalës poetike ishin të pranishëm në një takim i cili përcolli atë që fryma e poetit gjallon më librat e tij dhe e tillë do te mbetet duke kaluar nga lexuesi në lexues. Personalisht e jetova me një emocion të pazakontë edhe praninë e familjarëve, të cilët erdhën jo vetem për njeriun e afërt të tyre por sidomos për poetin dhe përcollën atë dashuri intime të tyre duke e interpretuar ne vargjet e tij. Ndoshta ky është fati i krijuesve, ata dinë të jenë të pranishëm, dinë të buzëqeshin nga lart edhe në momentin kur jeta e tyre fizike përfundon ndërkohë që jeta shpirtërore është përjetësi. Në momentin që lexohet një poezi dhe poetin ti e ke prind të kujtohet edhe çasti kur ka nisur te shkruhet ajo poezi. Dhe shpirti i njeriut gjithmonë përjeton edhe atë që është dhimbja e ikjes, kur ikja është përfundimtare. Një nga gjërat më të ëmbla të babait tim është jo vetëm poezia e tij por edhe zëri i tij dhe kur ka poezi të Skënderit që interpretohen sjell brenda vetes edhe zerin e tij. Kjo më bën të ndihem më i fortë, ndjej emocion por t’i shijoj deri në fund krijimet e poetit."

Gjithashtu Erisi dha lajmin e veçantë se dorëshkrimet dhe poezitë e krijuara e të pabotuara nga poeti, pritet të sillen së shpejti për të gjithë artëdashësit, ndër të tjera edhe përfshirja e tyre në tekstet shkollore për të përcjellë vlerat për nxënësit e studentët e apasionuar pas letërsisë.

Përkujtohet Skënder Rusi/ Poeti do të festonte datëlindjen e

"Ka pafund dorëshkrime të cilat presin që të merren në dorë nga ana e familjes, nga ana e profesionistëve që do të kujdesen për botimin e asaj që eshtë krijimtaria e asaj që është e pabotuar e poetit Skënder Rusi. Unë besoj që edhe për studiuesit e letërsisë kjo do të jetë një mundësi që krijimtaria letrare e lirikut Skënder Rusi të jetë një krijimtari që të përfshihet jo vetem në studimet por edhe tekste shkollore si një krijimtari që di të përcjellë vlerat të mirëfillta për nxenesit, për studentët, për lexuesit letërsisë së mirë në vendin tonë."

Për dekanen e Fakultetit të Edukimit në Universitetin e Korçës, Jonela Spaho, mungesa e Skënder Rusit ndihet së tepërmi në të gjithë rrethin familjar, shoqëror, akademik, e po ashtu në të gjithë qytetin. Spaho ka patur një njohje thuajse 30 vjeçare me lirikun korçar, ku gjatë këtyre viteve është mrekulluar e frymëzuar nga vargjet e tij të bukura. Me shumë nostalgji ajo tregon disa nga kujtimet e saj më të veçanta me poetin lirik, duke thënë se është në çdo varg e e çdo tingull kënge për qytetin.

Përkujtohet Skënder Rusi/ Poeti do të festonte datëlindjen e

"I mungon shumë dhe është një mungesë, është një boshllëk, flas për mungesën fizike sepse ajo lë një boshllëk te dukshëm qoftë ne zemrar e familjarëve qoftë të miqve dhe gjithë artdashësve të poezise. Por nga ana tjetër mendoj se ai është ketu mes nesh, në cdo varg në çdo tingull në çdo muzikë që rrjedh në vargjet e tij dhe që është aq e dashur për shpirtin. Kam pasur njohje të gjatë rreth 30-vjeçare me Skënderin që kur kam qënë adoleshente dhe kam hasur se pari poezine e tij dhe jam mrekulluar, e kam mesuar përmendësh, jam frymëzuar prej saj. E kam pasur mik të ngushtë por në mendjen dhe në kujtesën time ka ngelur ashtu siç e njoha për herë te parë, i ndjeshëm, i dashur, njeri me një botësens i cili dinte t’i gjykonte gjërat vetëm me principin e së mirës. Këtë mundohej që ta perçonte në çdo varg të tij. Ndaj them që një nga vlerat kryesore të Skënderit përveç lirizmit që është unik dhe i papërsëritshëm është humanizmi. Nuk ka varg të Skënderit që mos burojë një humnaziem të bukur, të veçantë që të depërton në çdo qelizë të shpirtit edhe të jep dëshirën të bëhesh më i mirë, të duash më shumë njerëzit, të duash më shumë qytetin ku ke lindur, madje dhe zogjtë që fluturojnë edhe pemët që çelin, edhe lulet dhe blirët, këngët, serenatat, pra gjithë Korçën sepse te ajo Korçë që ai ka përshkruar është gjithë Shqipëria."

Një nga miqtë e poetit, profesor Ilir Shyta, duke përmendur vargjet e Mikele Hernandes, tha se poetët nuk vdesin kurrë. Për të, Skënder Rusi mbetet një personalitet për lirikën bashkëkohore shqiptare duke i dhënë një dimension shumë interesant.

Përkujtohet Skënder Rusi/ Poeti do të festonte datëlindjen e

"Në fakt është një mbrëmje emocionale të festosh ditelindjen e një njeriu që tashmë është në parajsë është gje e bukur. Ditëlindjet festohen edhe në parajsë kështu ndodh edhe me rastin e Skënder Rusit, siç do ndodhë edhe me rastin e Kadaresë, tashmë ata i përkasin parajsës. Skënder Rusi mbetet një personalitet do ta quaj ne letrat shqipe të paktën sa i përket lirikës bashkëkohore shqiptare pasi i dha një dimension shumë interesant, si të thuash popullore ebte kontaktueshme me njerëzit. Skënder Rusi mbetet lirik nga fillimi deri në fund të shkrimit të poezisë së tij. Unë në fjalën time përmenda vargjet e nje poeti spanjoll Migel Hernandez i cili thotë: - Edhe po të jem nën tokë që vdiqa ti mos thuaj, më shkruaj edhe në tokë sepse do të shkruaj, çka do nënkuptonte çdo moment me poetët të cilët nuk vdesin, me shkrimtarët, me artistët që fitojnë pavdektësinë e tyre të përhershme."

Në 72 vjetorin e lindjes së të madhit Skënder Rusi, mbrëmja poetike në nder të tij, ka sjellë emocione të mëdha tek familjarët, miqtë e të apasionuarit e letërsisë. Gjatë kësaj mbrëmje, nuk kanë munguar as lotët dhe ndjesia e mungesës fizike të lirikut, i cili do të mbetet i gjallë në veprat që ai ka lënë pas. Lajmi më i mirë mbetet ai i djalit të tij, Erisit, që së shpejti do të sjellë ato vargje dhe dorëshkrime që Skënder Rusi i ka lënë të pabotuara./ CNA