E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Pusteci, pa të rinj, me të moshuar dhe pa farmaci

7 Gusht 2024, 16:17, Qyteti im CNA

Kjo është pamja e një dite normale në zonën e Pustecit. CNA TV ka vizituar këtë bashki për të parë kushtet në të cilat jetojnë banorët e saj, por ndonëse qëndruam për disa orë, pamë vetëm disa të moshuar në rrugë. Si bashki minoritare, të rinjtë kanë zgjedhur të shkojnë drejt Maqedonisë së Veriut, atje ku ka më tepër mundësi punësimi dhe të ardhurash. Vitet e fundit duket se kjo zonë ka pësuar një braktisje “të frikshme" nga të rinjtë, ndërsa fanatikë të qëndrimit në 9 fshatrat e kësaj bashkie janë vetëm të moshuarit.

Në ata pak banorë që hasëm në rrugët e Pustecit, vetëm njëri prej tyre na tregoi se çfarë po ndodh në këtë zonë.

Pusteci, pa të rinj, me të moshuar dhe pa farmaci

Arsye për largimin e të rinjve, sipas të moshuarit, është mungesa e punësimit.

"Ikën se s'kanë ku të punësohen. Ka gjëkund ku të punësohen? S'ka! Ka 3-4 vjet e mos më shumë kjo situatë. Ne pleqtë kemi ngelur, ju të gjithë ikët, ngelëm ne."

Të moshuarit që kanë ngelur në zonë, si të vetme të ardhur krahas pensionit kanë bagëtitë dhe tokat bujqësore.

Pusteci, pa të rinj, me të moshuar dhe pa farmaci

"Për jetesën me bagëtitë që mbajmë, kemi dhe tokat. Me këto mbahemi. Vështirë gjithnjë ka qenë, që në kohën e Enver Hoxhës e deri më sot."

Ajo çka e bën më të vështirë jetesën është mungesa e një farmacie. Në Pustec nuk ka pasur asnjëherë një të tillë, ndërsa banorët gjejnë zgjidhje te mjeku i zonës dhe në qytetin e Korçës.

Pusteci, pa të rinj, me të moshuar dhe pa farmaci

"Nuk ka. Duhet të ketë, por s'ka. Ilaçet i marrim në Korçë. Këtu duhet të ketë me patjetër. Gjithë kjo zonë me 9 fshatra duhet të ketë për të marrë ilaçet. Ndonjëherë ia japim doktorit lekët, ai na i sjell ilaçet."

Pusteci është një nga zonat më të bukura, me atraksione të shumta turistike, por krahas shumë investimeve të kryera, duket se nuk është mundur të shmanget shpopullimi./ CNA TV

Pusteci, pa të rinj, me të moshuar dhe pa farmaci