E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Vaji i ullirit “MUSAI”, në Panairin e Berlinit

3 Tetor 2024, 12:17, Qyteti im CNA

30 vite në shërbim të klientit, synojnë tregun gjerman

Në Berlin të Gjermanisë zhvillohet “Global Albanian Gastronomy”, një panair gastronomie, ku marrin pjesë më shumë se 100 biznese shqiptare, nga Kosova, Maqedonia e Veriut dhe diaspora.

Gazetari Elvi Fundo ka shkuar në “Arena Halle” të Berlinit për të parë nga afër stendat e ngritura, të cilat promovojnë produktet shqiptare nga më të ndryshmet. Mes tyre ishte edhe vaji i ullirit “Musai”, i cili është tregtuar që në vitin 1995. Fabrika e vajit “Musai”, është një biznes familjar, me teknologji inovative.

“Kompania është në treg që prej vitit 1995, pra vitin tjetër bëjmë 30 vite. Produkti është i certifikuar organik. Është një produkt supercilësor. Prodhojmë një vaj ulliri nga varieteti autokton kalinjot i Vlorës. Teknologjia që përdorim në kompaninë tonë është nga teknologjitë më të fundit. Vit për vit përmirësohemi në teknologji. Kjo ka treguar që prodhimi është shumë cilësor dhe jemi vlerësuar me 17 medalje ari në konkurset ndërkombëtare.”

Vaji i ullirit “Musai” konkurron në tregun vendas dhe të huaj si produkt i certifikuar bio/organik nga institucionet ndërkombëtare. Vaji tregtohet në shumë vende të botës, përfshirë atë amerikan, ndërsa ka si synim shtrirje më të gjerë në Evropë, e konkretisht në Gjermani.

“E kemi vajin në tregun evropian, edhe në Angli, por tregun më të mirë kemi tregun amerikan. Prej vitesh jemi shumë stabël në tregun amerikan. Në tregun evropian e kemi në disa klientë, në disa segmente. Synojmë tregun gjerman, është një nga tregjet më të mira, e kemi pasur dhe synojmë ta rihedhim si produkt. Gjermanët janë pak të vështirë, se nuk janë të njohur me cilësinë superiore të vajit të ullirit. Gjermanët janë mësuar me vajin e butë, ndërsa varieteti kalinjot karakterizohet nga aroma e fortë dhe elementët më të mirë që duhet të ketë vaji.”

Vaji i ullirit “Musai” është vlerësuar me 17 medalje ari në konkurset ndërkombëtare. Është i certifikuar "Vaj organik ekstra i virgjër" nga Bio Inspecta si dhe nga USDA Organic. Këto certifikime garantojnë prodhimin BIO të produktit në të gjitha fazat e prodhimit./ CNA