web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzivisht dhe live në CNA TV, nata e dytë e serenatave korçare

28 Shtator 2024, 16:39, Qyteti im CNA

Magjia ka përfshirë Korçën. Festivali i Serenatave ka sjellë një atmosferë të papërshkrueshme në qytetin juglindor. Jo vetëm korçarët, pro edhe vizitorë nga qyetete të tjera, janë dyndur këtë fundjavë drejt Korçës, për të mos humbur tingujt e serenatave. Serenatat janë një traditë e hershme e korçarëve, që këndonin duke luajtur në kitarë.

Mbrëmjen e së premtes, oborri i muzeut arkeologjik në qytetin e Korçës u mbush plot, për t’u zhvendosur më pas te Pazari i Vjetër, pasi festivali, për herë të parë erdhi si një nga eventet më madhështorë e më të rëndësishëm kulturorë.

Ekskluzivisht dhe live në CNA TV, nata e dytë e serenatave

CNA e përcolli spektaklin e madh në ekranin e vogël të televizorit, për të gjithë ata që nuk mundën të ishin të pranishëm në Korçë.

Spektali u transmetua dhe do të vijojë të transmetohet edhe në natën e dytë live dhe falas në të gjitha platformat.

Ekskluzivisht dhe live në CNA TV, nata e dytë e serenatave

E nëse flasim për serenatët, menjëherë vijnë në mendje, dy vëllezërit Prifti, të cilët kanë përcjellë mjeshtërisht këngët e qytetit, përgjatë gjithë karrierës së tyre. Për mikrofonin e CNA TV, ata e dhanë një prononcim, ku thanë se ky festival është një iniciativë e bukur, që duhet të përsëritet pasi sjell më shumë alegri për vendasit dhe të huajt.

Ekskluzivisht dhe live në CNA TV, nata e dytë e serenatave

Por edhe artistë të tjerë, si Jorgjeta Lalazi, Tomorr Selimi, apo Gloria Nure folën për mirkofonin tonë, duke shprehur të gjitha emocionet dhe përshtypypjet për këtë festival.

Spektakli nisi mbrëmjen e së premtes, por nuk do të ndalet me kaq. Edhe mbrëmja e së shtunës premton një natë spektakolare nën tingujt e kitarave. Shumë artistë të njohur do të ngjiten në skenë për dhuruar emocione të forta.

Në rrugët e Korçës dhe në zonën e Pazarit të Vjetër të qytetit premtohet muzikë e mirë dhe performancat live të artistëve, që rikthejnë në jetë meloditë e vjetra të ruajtura me fanatizëm ndër vite.

Ekskluzivisht dhe live në CNA TV, nata e dytë e serenatave

Sot pritet të ngjiten në skenë emra të mëdhenj si Eli Fara, Kori Lira, Aurel Thellimi, Kamela Islamaj, Mihallaq Andrea, Ermira Babaliu e shumë këngëtarë të tjerë. Këta artistë premtojnë festë të padiskutueshme.

E nëse nuk keni mundësi të shkoni në Korçë, ndiqeni festivalin në ekranin e CNA TV, që do të nisë transmetimin live të SERENIGHTS në orën 19.30.

Mund të na ndiqni në të gjithë botën falas, në të gjitha platformat, në CNA.al dhe në “Klani Im”. Mos e humbisni!/ CNA





Lajmet e fundit nga