web counter
LEXO PA REKLAMA!

SHKARKO APP

App Store
Google Play

E fundit!

x

Administratori i shtetit nxjerr dy fakte të reja për SPAK-un e Altin Dumanit

14 Qershor 2023, 13:13, Aktualitet CNA
Administratori i shtetit nxjerr dy fakte të reja për SPAK-un e Altin
Foto ilustruese

Tashmë kreu i SPAK-ut, Altin Dumani, do të ketë në dorë dy prova të reja në lidhje me aferën e inceneratorit të Tiranës dhe kontratën koncensionare për këtë landfill.

Megjithëse pas 6 vitesh ende nuk ka incenerator në Tiranë, sipas kontratës fillestare dhe studimit të fizibilitetit, shteti shqiptar i ka paguar rreth 60 milionë dollarë koncensionarit, afërsisht, pasi vlera mund të jetë edhe më e madhe sepse përveç transfertës prej 10 milionë dollarësh në vit nga qeveria dhe Bashkia e Tiranës janë shtuar pagesat për Bashkinë e Durrësit, Kavajës dhe Vorës.

Gjithashtu dhe institucione të tjera paguajnë para për inceneratorin e Tiranës që nuk ekziston. Në fakt, në Tiranë nuk ka incenerim, por ka landfillim dhe taksapaguesit e qeveria paguajnë 29 euro/ton.

Administratori i shtetit nxjerr dy fakte të reja për SPAK-un e Altin

Farudin Arapi, administratori i shtetit në inceneratorin e sekuestruar të Fierit, së fundi në një intervistë për agjencinë e lajmeve “Birn”, ka dhënë një shifër. Ai ka thënë se për landfillin në Fier vlera që duhet paguar është 12 euro/ton.

Pra, sipas shifrës së përllogaritur nga Arapi, bashkitë e qarkut të Fierit që çojnë mbetjet në incenerator, pra për landfillim, pasi edhe atje inceneratori është jashtë pune, sepse do investim tjetër prej 2.8 milionë eurosh, duhet të paguajnë 12 euro/ton. Në Tiranë paguhet 29 euro/ton.

Çfarë ndryshimi ka gropa e landfillimit në Tiranë me gropën e landfillimit në Fier?

Administratori i shtetit nxjerr dy fakte të reja për SPAK-un e Altin

Asnjë ndryshim. Të dyja janë gropa landfillimi, të dyja duhet të kenë të njëjtin standard.

Ndërkaq, në Tiranë paguhet dyfish e gjysmë më shumë, pra, ka një dëm ekonomik të provuar me 17 euro/ton, ndërkohë që mbetjet shkojnë rreth 800 ton në ditë.

Llogarinë ta bëjë dikush vetë me tabelë shumëzimi. Pra, janë 17 euro/ton në ditë më shumë të paguara në landfillin e Tiranës, vetëm për landfillim, pasi incenerim dhe incenerator aty nuk ka.

Kjo është një shifër që provon një dëm ekonomik në kontratën koncensionare të firmosur dhe me pagesat e kryera deri më tani, pasi koncensionari i Tiranës nuk bën incenerim, por vetëm landfillim.

Shifra e dytë që provon një dëm ekonomik dhe ngre të gjitha dyshimet që ka një aferë korruptive është sërish ajo që deklaron zoti Farudin Arapi, administrator i shtetit në inceneratorin e Fierit.

Sipas tij, kostot e parashikuara për incenerim në inceneratorin e Fierit janë 25 euro/ton. Në fakt, në Tiranë kostot me gjithë incenerator, edhe pse ky nuk ekziston në kontratën koncensionare, janë firmosur 29 euro/ton.

Pra, në ratsin e parë kishim 17 euro më shumë, thjesht dhe vetëm për landfillim, ndërkohë sot inceneratori i Tiranës e ka 29 euro tarifën e incenerator nuk ka. Kurse në Fier, Farudin Arapi na thotë se do të kushtojë, kur të punojë inceneratori, 25 euro/ton me një diferencë prej 4 euro/ton.

Pra, edhe sikur në Tiranë të kishte incenerator, vlera është 15% më e lartë. Janë 10-15 milionë euro në vit që jepen për inceneratorin e Tiranës dhe me një diferencë 10-15% vlerat shkojnë nga 1.5-2 milionë euro më shumë para të paguara për inceneratorin e Tiranës sesa për atë të Fierit.

 

Pra, nga vetë inceneratorët, ai i Fierit dhe ai i Tiranës, në krahasim me njëri-tjetrin, lehtësisht me shifrat e tyre, sipas të dhënave zyrtare, që tregon administratori i inceneratorit të Fierit, del se:

Fillimisht, në Tiranë paguhet 17 euro më shumë për landfillim, sepse ka vetëm landfill, nuk ka incenerator.

Për 6 vite shuma e paguar është me dhjetëra miliona euro më shumë sesa duhet të paguhej për landfill, pasi incenerator nuk ka, dhe e dyta, është fakti se në Tiranë do të kushtojë incenerimi 4 euro më shumë se në Fier, ku në fakt inceneratori i Tiranës do të ishte më i ri, duhet të ishte me kosto më të ulëta, kjo për faktin se ai gjeneron të ardhura më të mëdha edhe nga bizneset private, siç janë ndërtimet, të cilat në përfundim paguhen nga taksat e qytetarëve shqiptarë, sepse janë ata që paguajnë kostot e rritura për pagesat që kryhen në inceneratorin e Tiranës nga privati.

Janë dy fakte të provuara në diferenca si dëm ekonomik, i provuar thjesht dhe vetëm me deklaratat zyrtare të Farudin Arapit që SPAK-u i ka si prova. 4 euro/ton më shumë për incenerim dhe 17 euro/ton është paguar sot më shumë, ndërkohë që incenerator në Tiranë nuk ka.

Këto janë dy prova që i japin SPAK-ut, jo një armë për të luftuar kompaninë koncensionare, por për të zbardhur të vërtetën deri në fund të abuzimit me inceneratorin dhe landfillin e Tiranës, i cili, sipas përllogaritjeve të ekspertëve, për 30 vite nuk do të ketë të ardhura 430 milionë dollarë, në bazë të kontratës koncensionare, por rreth 750 milionë dollarë, nga ku më shumë se 300 milionë dollarë do të paguhen nga taksat e qytetarëve shqiptarë, por dhe një pjesë e madhe e të ardhurave nga bizneset private, të cilat kostot e faturave që i paguajnë inceneratorit të Tiranës ua kalojnë qytetarëve./ CNA.al

 





Lajmet e fundit nga