LEXO PA REKLAMA!

SHKARKO APP

App Store
Google Play

Video-“Policët, të droguar dhe vrasës”/ Berisha jep alarmin, thirrja e fortë

24 Maj 2022, 08:22, Aktualitet CNA
Video-“Policët, të droguar dhe vrasës”/ Berisha jep

Kryetari i PD-së, Sali Berisha, ka reaguar me tone të forta pas ngjarjeve të rënda të mbrëmjes së kaluar, ku një polic vrau kolegun e tij, kurse një tjetër plagosi një qytetar.

Në një postim në rrjetet sociale, Berisha shkruan se këto ngjarje dëshmojnë shkallën e rëndë të kriminalitetit, në narkopolicinë e regjimit të Edi Ramës, sikurse e cilëson ai Qeverinë e tij.

Po ashtu, ai ka kërkuar dorëheqjen e menjëhershme të ministrit të Brendshëm.

?Policët, të droguar dhe vrasës! Ekzekutojnë policin në komisariat dhe plagosin qytetarin në Kombinat!

Të dashur miq, mbrëmjen që kaloi, dy policë të droguar, vrasës, në dy ngjarje të veçanta, shkrehën armët e tyre dhe vranë një polic e plagosën një qytetar.

Kështu, në ambientet e komisariatit nr. 3, polici i droguar, Ludian Zaimi shkrehu 6 plumbat e karikatorit të tij mbi kolegun e vet, Çaush Saliasi.

Kurse në Kombinat, një polic i droguar i FNSH-së gjuajti me revole dhe plagosi një qytetar, për të cilin thuhet se kishte probleme të paaftësisë mendore.

Duke shprehur ngushëllimet më të sinqerta familjes së policit të ndjerë dhe uruar shërim të shpejtë qytetarit të plagosur, dënoj me ashpërsinë më të madhe këto akte kriminale të banditëve me uniformë si dëshmi flagrante e drogimit dhe degradimit të policisë së narkoshtetit.

Këto akte dëshmojnë shkallën ekstreme të kriminalizimit të narkopolicisë nga Edi Rama dhe partia e tij, ministri i familjes dhe klani i tij.

Ndaj kërkoj dorëheqjen e menjëhershme të ministrit të familjes Çuçi, përgjegjës direkt politik për aktet e përsëritura vrastare të narkobanditëve me uniformë.

PS: Video është bërë në Komisariatin Nr. 3 pak çaste pas ekzekutimit të të ndjerit, Çaush Saliasi.?-shkruan Berisha./CNA.al

Lajmet e fundit nga