“Integrimi në BE i domosdoshëm”/ Peleshi: Ballkani Perëndimor dhe Shqipëria në nyje kritike

9 Prill 2022, 08:12, Politikë CNA

Ministri Niko Peleshi në fjalimin e tij në Kongresin e PS, ka thënë se sot Shqipëria është eksportues sigurie në misionet paqeruajtëse dhe faktor stabiliteti në rajon.

Ministri deklaroi se rreth 8000 efektivë të FA kanë shërbyer në misionet e NATO, BE, OKB, nga Afganistani, Iraku, Letonia, Mali, Sudani e deri në Bosnje-Hercegovinë e padyshim në Kosovë.

Ai shtoi se këtë vit nisi puna për jetësimin e Bazës Taktike Ajrore të NATO-s në Kuçovë.

?Sot Shqipëria është eksportues sigurie në misionet paqeruajtëse dhe faktor stabiliteti në rajon.

Rreth 8000 efektivë të FA kanë shërbyer në misionet e NATO, BE, OKB, nga Afganistani, Iraku, Letonia, Mali, Sudani e deri në Bosnje-Hercegovinë e padyshim në Kosovë.

Këtë vit nisi puna për jetësimin e Bazës Taktike Ajrore të NATO-s në Kuçovë.

Në mars u hap në Shqipëri Shtabi i Përparuar i Forcave të Operacioneve Speciale amerikane në Europë. Vitin e kaluar Shqipëria u bë vendi pritës i “Defender 21”, stërvitjes më të madhe të zhvilluar në 30 vitet e fundit në rajon.

Si asnjëherë më parë, FA ndërvepruan me rreth 6000 forca amerikane dhe të vendeve të tjera të NATO-s. Si rezultat i agresionit rus, mjedisi i sigurisë në Evropë dhe në kufirin lindor të Aleancës është i kërcënuar dhe i paparashikueshëm.

Çdo cm² i Shqipërisë është i sigurt dhe i mbrojtur nga parimi i mbrojtjes kolektive se NATO-s. Zhvillimet e fundit e kanë forcuar unitetin e Aleancës në mbrotje të hapësirës së përbashkët dhe sovranitetit të vendeve anëtare.

Forcat e Armatosura duhet të përmbushin detyrat që burojnë nga NATO. FA duhet të jenë të afta të përmbushin detyrimet që burojnë nga misioni kushtetues për ruajtjen e integritetit territorial të vendit.Siguria e Aleancës fillon nga siguria e brendshme, aftësia mbrojtëse dhe përpjekjet e secilit prej 30 anëtarëve të saj?, ka thënë Peleshi.

Ndër të tjera ministri i Mbrojtjes, Niko Peleshi është shprehur se Shqipëria dhe rajoni i Ballkanit Perëndimor janë në një nyje kritike të historisë.

Peleshi thekson se intregimit i vendeve të Ballkanit Perëndimor në BE është i domosdoshëm dhe garancia e vetme për paqe.

?Shqipëria dhe rajoni i Ballkanit Perëndimor janë në një nyje kritike të historisë. Prishja e rendit të sigurisë vjen me disavantazhe dhe kërcënime, por edhe me mundësi.

BE duhet të kuptojë domosdoshmërinë që ka integrimi i vendeve të Ballkanit Perëndimor me procedurë të përshpejtuar. Njohja e menjëhershme e Kosovës nga të gjitha vendet e BE dhe NATO-s, do t?i hapte rrugë integrimit të të gjithë Ballkanit Perëndimor në strukturat euroatlantike. Integrimi i plotë i Ballkanit është garancia e vetme për paqe, stabilitet e prosperitet ekonomik e shoqeror në rajon?, tha Peleshi./ CNA.al