LEXO PA REKLAMA!

SHKARKO APP

Berisha zbardh prapaskenat e arratisë së Bllakos/ “Gozhdon” Gledis Nanon

8 Prill 2022, 11:46, Politikë CNA

Ish kryeministri Sali Berisha i është rikthyer arratisjes së ish deputetit socialist Alqi Bllako.

Berisha ka hedhur akuza të forta duke deklaruar se Policia e Shtetit mbuloi arratine dhe gënjeu qytetarët duke thënë se Bllako ndodhej në komisariat, ndërkohë që ish deputeti ishte zhdukur prej 13 orësh.

Lideri i demokratëve ka ngritur pikëpyetje për të zbuluar se çfarë e shtyu policinë e shtetit të gënjente qytetarët dhe nga kush i mori urdhrat  kreu i policisë Gledis Nano për të mashtruar qytetarët.

?Një anëtar i kësaj organizate Alqi Bllako është sot i arrestuar por procesi i tij dëshmoi përpjekjen antiligjore të qeverisë për mbrojtjen e tij. Qytetarët shqiptarë nuk panë asnjë moment, asnjë sekuencë të vetme mbledhje të komisionit të mandateve të parlamentit për të vendosur për imunitetin e tij. Organiziat kriminale e inceneratorëve nuk lejoi të ndodhte asnjë prej tyre.

Bllako zhduket. Njeriu që tha s?kam imunitet u zhduk për 13 orë. Zërat thonë se u arratis nga Qafë Bota për në Greqi, thonë se u kthye me helikopter, por problemi është se policia qëndroi në anë të Bllakos. Ajo mori përsipër në modelin e mëparshëm të gënjejë opinionin publik dhe të shprehet se Alqi Bllako ishte mbrëmë në komisariat, ai është paraqitur aty në orën 02:10 të mëngjesit. Çfarë e shtyu policinë? Kush e urdhëroi Nanon të mashtrojë qytetarët? Ishte ky një vullnet i tij i sëmurë. Njeriu i fundit që ka takuar Bllakon është Rama në një nga vilat qeveritare.  

Afera e inceneratorëve është një aferë korrupsioni që kryesohet nga Rama dhe më pas nga nënpunësit e tij?, tha Berisha./ CNA.al

Lajmet e fundit nga