web counter
LEXO PA REKLAMA!

SHKARKO APP

App Store
Google Play

Legalizimi i kanabisit/ Berisha "shkund" Ramën

8 Prill 2022, 11:27, Politikë CNA

Ish kryeministri Sali Berisha, në një konferencë për shtyp ka deklaruar se legalizimi i kanabisit është krim. Berisha është shprehur se Rama po e kthen kanabisin në simbol të Shqipërisë dhe po dëmton palcërisht procesin për intergimin e Shqipërisë në BE.

“Legalizim për krimin, drogën, vrasjet, rrënimin e shëndetit fizik dhe mendor si dhe të identitetit të shqiptarëve, reputacionit të tyre. Unë në formimin tim si mjek por dhe si politikan kam lexuar gjerësisht për kanabisin dhe jam plotësisht i vetëdijshëm se vaji i kësaj bime apo nënprodukte të tjera përdoren për lehtësimin e disa rrethanave, si ankthit dhe dhimbjeve dhe të tjera. Në këtë kontekst të dhënë nga mjeku nuk kam ndonjë kundërshtim por studime të gjera të universiteteve të botës kanë faktuar se kanabisi krijon probleme serioze strukturore në procese të trurit.

Kanë faktuar se shumëfishon shfaqjen e psikozave më të rënda, kanë faktuar se është i dëmshëm për sistemin e zemrës dhe të gjakut.

Legalizimi i tij do të thotë të shkelmosh reputacionin e këtij vendi dhe ta bësh kanabisin simbol të Shqipërisë e cila vetëm në biodiversitetin e saj ka mbi dhjetëra herë më të kushtueshmne.

Edi Rama zgjedh kanabisin për të bërë simbol të shqiptarëve. Vendimi i tij është akt i padëgjuar, pasi ju garantoj se dëmton palcërisht procesin e Shqipërisë në BE”, tha Berisha./ CNA.al





Lajmet e fundit nga