web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e presidentit të ri/ Meta: Negociatat janë fasadë, ja pse e pranova detyrën në 2017

7 Prill 2022, 19:05, Politikë CNA

Çështja e zgjedhjes së presidentit të ri ka qenë në qendër të diskutimeve politike. Nga njëra anë mazhoranca shprehet se në krye të shtetit do zgjedhin një njeri me integritet dhe se sipas tyre janë në diskutim me Enkelejd Alibeajn, si personin zyrtar të PD.

Por për presidentin Ilir Meta, e rëndësishme është që pasuesi i tij të jetë një njeri që ka integritet, ndërsa shton se gjatë qëndrimit të tij në këtë post nuk ka bërë asnjë gjë të gabuar, pavarësisht kushteve.

Në një intervistë për Çim Peka Live, Meta theksoi se negociatat e nisura nga mazhoranca me opozitën janë thjeshtë një fasadë.

?Çështja e presidentit nuk përbën një ccështje negociatash por një ccështje gustosh se kush do i shijoj më shumë të vetmit person që merr vendime në mazhorancën aktuale. Në 2017 bëra çdo gjë që Presidenti të mos ishte i Ramës. Për këtë arsye unë e pranova këtë detyrë, për të cilën nuk jam penduar, pavarësisht se situata në të cilën kam ushtruar mandatin ka qenë e minuar nga të gjitha anët. Për negociatat e nisura për zgjedhjen e Presidentit, në gjykimin tim janë një farsë sepse nuk shoh asnjë mundësi që opozita aktuale t’i imponohet mazhorancës, por shohim se mazhoranca po i imponohet një pjese të opozitës

Unë nuk kam bërë asnjë veporim të gabuar ndonëse situata ka qenë e minuar dhe kjo ëstë parë qartë që nga momenti i djegies së mandateve nga opozita.

Të gjitha lojrat pas 25 prillit, janë për ti dhënë një legjitimitet që nuk e ka kjo shumicë. Për mua nuk ka asnjë problem nëse është një socialist me integritet për president?, tha Meta./E.K-CNA.al





Lajmet e fundit nga