web counter
LEXO PA REKLAMA!

SHKARKO APP

App Store
Google Play

E fundit!

x

Ndryshime në Qeveri?/ Gazetari “kryqëzon” Ramën: Ja çfarë i duhet vendit

7 Prill 2022, 10:43, Politikë CNA

Gazetari Mentor Kikia ka reaguar në lidhje me ndryshimet që kryeministri Edi Rama, pritet të bëjë në Qeveri.

Në një postim në rrjetet sociale, Kikia shkruan se vendit nuk i duhen ndryshimet në Qeveri, por ka nevojë për të shkatërruar mekanizmin e korruptimit të qeverisjes.

“Dhe populli pyet: A do të ketë ndryshime në qeveri?

Kuriozitet i madh i medias dhe publikut: A do të ketë ndryshime në qeveri?

Edhe në pastë, çfarë pastaj?

Ky vend nuk ka nevojë për ndryshime në qeveri.

Ai nuk ka nevojë as për ndryshimin e krejt qeverisë.

Ai nuk ka nevojë as për ndryshimin e një mazhorance me një tjetër, që të vazhdojë të bëjë të njëjtën gjë.

Ai ka nevojë për të shkatërruar mekanizmin e korruptimit të qeverisjes, ku futen: Ligje, VKM-ra, praktika administrative etj etj, të miratura vit pas viti e qeveri pas qeverie, dhe që kanë deformuar ekonominë e tregut të lirë dhe konkurencën.

Sepse këtu nuk është korruptuar thjeshtë një zyrtar apo një qeveri, ketu është korruptuar politika si mekanizëm, është korruptuar Ligjvënësi, si instrumenti më i lartë i prodhimit dhe ushtrimit të pushtetit.

Dhe këto nuk korigjohen me arnime.?-shkruan Kikia./CNA.al





Lajmet e fundit nga