web counter
LEXO PA REKLAMA!

SHKARKO APP

App Store
Google Play

E fundit!

x

“Kriza në PD ndihmon Ramën”/ Bumçi: Kuvendi i 30 prillit është hap për ringritjen e partisë

6 Prill 2022, 18:48, Politikë CNA

Ish deputeti demokrat  Aldo Bumçi, është shprehur sot se qëllimin kryesor i Komisionit të Rithemelimit është bashkimi i demokratëve dhe më tej i opozitës.

Në një studio televizive, ai u shpreh se një situatë kur PD-ja është e ndarë, sjell përfitime vetëm për Edi Ramën. Bumçi theksoi se në situatën e krizës ku qeveria e ka futur vendin, opozita duhej të ishte e para  të organizohej e t?i paraprinte protestave të qytetarëve.

?Bashkimi është qëllimi ynë kryesor dhe kjo  nuk ka të bëjë fare me vendim Gjykate apo zbardhje. Ne e shtyjmë Kuvendin për 50 ditë për ata që duan t?i bashkohen PD-së. Ne jemi në fazën e seksioneve dhe grup-seksioneve. Ne kemi dy arsye madhore politike se përse duhet të bashkohemi: Rama e ka futur Shqipërinë në një krizë të thellë, me rritjen marramendëse të çmimeve, ndërkohë kemi dhe skandalin më të madh të 30 viteve demokraci të incineratorëve, që vazhdojnë dhe u paguajnë lekë atyre që janë në kërkim dhe nuk përdoren për të zbutur varfërinë. Ne duhet të ishim duke i prirë protestave, por nuk na lejon situata institucionale. Ne nuk mund ta mbajmë këtë parti në këtë gjendje pezull sepse kjo ndihmon Ramën. Ne në fund të këtij viti duhet të dalim me emrat e kandidatëve për zgjedhjet vendore?, është shprehur ai.

Kuvendin Kombëtar të Partisë Demokratike në 30 prill, Bumçi e quajti një hap për të ngritur partinë. Ai u shpreh shpresëplotë se pas një viti në zgjedhjet lokale, PD do të jetë një parti e konsoliduar, që do të japë modelin e një parti të madhe e të hapur.

“Askush të mos mendoj se me 30 prill, përfundon procesi ngritjes së PD, jo nuk përfundon, por hidhet një hap për të ngritur një institucion“, tha ai./ CNA.al





Lajmet e fundit nga