web counter
LEXO PA REKLAMA!

SHKARKO APP

App Store
Google Play

Çuçi thirrje nga Greqia: Të njihen problemet e komunitetit shqiptar

6 Prill 2022, 11:14, Politikë CNA

Ministri i Brendshëm, Bledi Çuçi, ka zhvilluar një vizitë në Greqi, ku ai është takuar me përfaqësuesit e disa shoqatave të komunitetit shqiptar që jeton e punon në vendin fqinj.

Nga Greqia, ministri Çuçi ka bërë thirrje që të njohen problemet e komunitetit shqiptar.

?Në ambasadën tonë në Athinë takova përfaqësuesit e disa shoqatave të komunitetit shqiptar që jeton e punon në Greqi. Janë grupime tejet aktive në adresimin e problemeve me të cilat ndeshen shqiptarët. Komunikimi i shpeshtë krijon premisa për të identifikuar çështjet që duhen adresuar për zgjidhje tek autoritetet greke, por edhe tek shteti amë, qofshin ato çështje të mbartura nga e kaluara apo të krijuara së fundi.

Mes rreth 300 shërbimeve që ne ofrojmë online përmes #eAlbania përfitojnë gjithashtu edhe shqiptarët që jetojnë jashtë vendit. Sidoqoftë ka ende probleme për të cilat ne po bashkërendojmë punën me palën greke për t?i rregulluar.

Dhe sigurisht që nuk do të rreshtim së kërkuari konsensusin brenda vendit tonë me opozitën, për t?u mundësuar më në fund emigrantëve të drejtën e votës aty nga ku banojnë. Për kaq shumë sa ata kontribuojnë e kanë dhënë ndër vite për Shqipërinë, kemi detyrimin e përbashkët e të vazhdueshëm për t?iu gjendur pranë?, shkruan ministri Çuçi.





Lajmet e fundit nga