“Rama vasal i Vuçiçit”/ Berisha: Fitorja e një ultranacionalisti, lajm i keq për rajonin”

5 Prill 2022, 10:36, Politikë CNA

Ish kryeministri Sali Berisha, ka reaguar në lidhje me fitoren e Aleksandar Vuçiç në zgjedhjet e 3 prillit në Serbi.

Me anë të një postimi në rrjetin social Facebook, Berisha e quajti fitore e presidentit serb një lajm jo të mirë për rajonin.

Ai tha se Vuçiç është një person që punon për Serbinë e Madhe dhe një ish ministër i Sllobodan Milosheviçit që i ka thurur lavde gjenocidit të kryer nga forcat serbe në Kosovë e Bosnje.

Berisha e krahasoi liderin serb me kryeministrin Edi Rama, teksa sqaroi se fushatat elektorale të të dyve bazohet tek klientelizimi i oligarkëve dhe dhunimi i opozitës.

Postimi i plotë:

?Fitorja e ultranacionalistit Vuçiç lajm jo i mire per Serbine dhe rajonin!

Te dashur miq, fitues i zgjedhjeve presidenciale dhe parlamentare qe u mbajten te dielen e kaluar ishte ultranacionalisti Aleksander Vuçiç dhe ky ishte nje lajm jo i mire per Serbine, opoziten e saj dhe mbare rajonin tone.

Kjo sepse:

1-Vuçiç eshte nje ultranacionalist serb i rrezikshem qe punon per projektin e Serbise se Madhe

2-nen sundimin e tij Serbia mbetet gjithnje si Rusia e Vogel ne rajon. Lidhjet e tij me Putinin jane nje kercenim serioz per paqen ne rajon.

3-Aleksander Vuçiç si ish badiguard i Sheshelit dhe minister i propagandes se Millosheviçit nuk ka denuar krimet monstruoze te Sllobodan Millosheviçit, genocidin e tij ne Bosnje dhe ne Kosove, perkundrazi ai i thurr lavde ne çdo rast shefit te tij dhe sipas tij Sllobo ishte nje udheheqes i madh. Kjo tregon se ai eshte i gatshem te riperserise krimet e tij monstruoze.

4- Se fundi ai eshte nje manipulator i pameshire i minoritetit serb ne Kosove, i cili eshte minoriteti qe gezon te drejta njerezore dhe kombetare me shume se çdo minoritet tjeter ne rajon dhe me gjere.

5- Makineria e tij elektorale njelloj si e vasalit te tij ne Tirane, Edi Rama bazohet ne parimet antidemokratike te partise shtet, ne bandat e bjellivukve, klientelen e oligarkeve dhe dhunimin e opozites.

Per te gjitha keto rezultatin e zgjedhjeve ne Serbi e kane mirepritur shume diktatori gjaksor i Moskes, Vladimir Putin dhe Edi Rama, argati i Vuçiç dhe shefi i narkoshtetit te Tiranes qe do te ishte i pari qe do ti uronte fitoren padronit te tij. /CNA.al