web counter
LEXO PA REKLAMA!

SHKARKO APP

App Store
Google Play

E fundit!

x

“6 marsi faktoi që Berisha është shumicë në parti”/ Alizoti: Kriza në PD tronditje për elektoratin

4 Prill 2022, 19:29, Politikë CNA

Deputeti demokrat Tomorr Alizoti është shprehur se ish kryeministri Sali Berisha është rikonfirmuar me votën e 6 marsit se është shumicë në Partinë Demokratike.

Në një studio televizive ai tha se një njeri që ka dalë në minorancë nuk mund të caktojë kryetarin e grupit parlamentar pa një pajtim publik që të shpëtojë PD-në. Sipas tij, Enkelejd Alibeaj nuk mund të vazhdojë këtë dominancë sepse është minorancë, referuar balancave që kanë ndryshuar pas zgjedhjeve të pjesshme lokale të 6 marsit dhe faktit që shumë deputetë mbështetës të Bashës, i dolën kundër.

“Luftërat e brendshme politike janë luftëra civile që nuk i fiton kush. Krizë e madhe, tronditje e madhe brenda PD, elektoratit dhe brenda grupit parlamentar. Pas 6 marsit Berisha ishte shumicë në Partinë Demokratike. 6 marsi faktoi përmes votës që Berisha është shumicë. Pas 6 marsit, edhe deputetët që ishin pranë Bashës, i reaguan dhe ndikuan në dorëheqjen e tij. Çdo gjë e vendosur politikisht nga Basha politikisht nuk përbën më sens?, tha Alizoti.

Në lidhje me kryetarin e ri të PD, ai shtoi se kushdo që do të drejtojë në të ardhmen Partinë Demokratike, duhet fillimisht të mundë Berishën me vota në garë./ CNA.al





Lajmet e fundit nga