web counter
LEXO PA REKLAMA!

SHKARKO APP

App Store
Google Play

“PS shkeli të drejtat e njeriut”/ Këlliçi: Amnesty International, zbuloi farsën 

4 Prill 2022, 09:14, Politikë CNA

Deputeti demokrat Belind Këlliçi ka reaguar në lidhje me një raport të Amnesty International, e cila e cilëson ?patronazhimin socialist? si shkelje e të drejtave të njeriut.

Në një postim në rrjetet sociale, Këlliçi shkruan se Policia e Shtetit ka kryer përgjim masiv të qytetarëve pa autorizimin paraprak të gjykatës.

?Patronazhimi socialist, cënim i të drejtave të njeriut.

Amnesty International ka publikuar raportin vjetor për 154 shtete, mes tyre dhe Shqipëria.

Vetëm 162 qytetarë e kanë paditur Partinë Socialiste për shkelje të ligjit ?Për mbrojtjen e të dhënave personale?. Një tregues i frikshëm i indiferencës qytetare në raport me shkeljet e të drejtave të njeriut nga shteti i tyre por njëkohësisht tregues i mungesës totale të besimit te drejtësia.

Policia e Shtetit ka kryer përgjim masiv të qytetarëve pa autorizimin paraprak të gjykatës. Një akt jokushtetues dhe i pamoralshëm që tregon përdorimin e Policisë së Shtetit nga PS.

Zbuluar del dhe farsa e shëndetësisë shqiptare.

Sipas Avokatit të Popullit, numri i personave të infektuar me Covid-19 ishte shumë më i madh se paketat e trajtimit për të cilat ata mund të rimbursoheshin. Pacientët e diagnostikuar në periudhën mars-nëntor 2020, si dhe ata që rezultuan pozitivë nga institucionet shëndetësore private, nuk kishin të drejtë të rimbursoheshin për mjekimin.

Ky është shteti që i paguajmë taksa! Një grupim i strukturuar kusarie!?-shkruan Këlliçi.





Lajmet e fundit nga