web counter
LEXO PA REKLAMA!

SHKARKO APP

App Store
Google Play

“Në PS nuk martohesh dot pa lejen e Ramës”/ Balliu 'nxjerr të pathënat': Është i sëmurë pas parasë!

2 Prill 2022, 16:30, Politikë CNA

Anëtari i Komisionit të Rithemelimit, Klevis Balliu, duke komentuar arrestimin e ish deputetit socialist Alqi Bllako, u shpreh se ky i fundit është vetëm një nga personat ?e vegjël? të implikuar në aferën korruptive të inceneratorëve.

Në një studio televizive, ai shtoi se deklarata e kryeministrit Rama se nuk ka përgjegjësi personale, është e pavënd.

Balliu tha se në Partinë Socialiste asgjë nuk mund të bëhet pa lejen e kryeministrit Edi Rama, madje ai tha se anëtarët e PS as nuk martohen dot pa lejen e tij.

?Alqi Bllako është njësoj si të arrestosh një roje parkingu se u vodh banka ngjitur. Koncepti se Rama nuk di gjë se është përgjegjësi personale, në PS nuk martohesh dot pa lejen e Edi Ramës. Marrin lejen e Edi Ramës, nëse është dakord ai ecin përpara, jo më të vjedhin paratë pa lejen e Edi Ramës. Këta nuk hyjnë dot në zyrë pa marrë leje te ai, as nuk hyjnë dhe as nuk dalin dot pa marrë leje te Edi Rama. Edi Rama i thoshte një ministri të vet “pse ke dalë ti në kafe me atë se ai është kundër nesh”. I kishte bërë video se kishte dalë në kafe me dikë tjetër. Këtij do t’i marrin paratë këta? Ky nuk le asnjë grimcë në PS të lëvizë pa lejen e tij, jo më paratë, ai është i sëmurë me paratë. Ai shpiku gjithë “Air Albanian” vetëm për të marrë një charter privat. Ai është i sëmurë për paratë, i pangopur. Nuk ngopet kurrë. Për sa kohë të jetë Rama aty do të ketë vjedhje. Taksat e qytetarëve rriten sepse krijohen gropa në buxhetin e shtetit, krijohen gropa nga vjedhjet që bën Edi Rama dhe ato gropa duhen mbushur me taksa?, tha ai./ CNA.al





Lajmet e fundit nga