web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Skenari i Ramës, tenton të lajë duart si “Ponc Pilati”

2 Prill 2022, 10:13, Politikë CNA

Kryeministri Edi Rama, i cili ka marrë mandatin e tretë qeverisë, edhe pse Qeveria e tij është përfshirë në jo pak bëma dhe gjëma. Dhe mandati i tretë qeverisës duket se vetëm ka shtuar arrogancën e kryeministrit dhe kabinetit të tij.

Por, një detaj që vihet re në sjelljen e kryeministrit Edi Rama, është një deklaratë që ai e përsërit sa herë që i plas një skandal.

?Përgjegjësia është individuale?, thotë Rama, në çdo rast.

Një deklaratë që Rama e ka përsëritur edhe së fundi, pas hetimit të SPAK në lidhje me aferën e inceneratorëve, për të cilën në pranga janë vënë një ish-ministër dhe një ish-deputet i Ramës.

Bëhet fjalë për një ndër aferat më të akuzuara në 30 vite demokraci, atë të inceneratorëve, e cila kap shifra deri në 430 milionë euro, por Rama thotë se ?ai nuk dinte gjë, dhe se përgjegjësia është individuale?.

Pra, gjithçka paska kaluar nën hundën e kryeministrit dhe ky i fundit nuk paska marrë vesh asgjë.

Kanë kaluar 9-14 vendime Qeverie brenda dite dhe sërish Rama nuk paska ditur asgjë?

Por, ta zëmë se vërtetë Rama nuk paska ditë asgjë. Që në fakt është e pamundur për faktin se vendimet kanë kaluar nga godina e Kryeministrisë. Por, edhe sikur si kryeministër i vendit, a nuk do të duhej të kërkonte një hetim? Të kërkonte llogari, pasi skandali është denoncuar në media?

Mediat, duke përfshirë CNA.al, prej vitesh kanë denoncuar këtë aferë, me fakte dhe dokumente, duke treguar zinxhirin e kompanive që shkojnë deri në Hollandë, apo kompani që krijohen në Bullgari, ku ortakë të pronarëve të inceneratorëve, janë edhe ish-drejtues apo pronarë mediash.

A nuk do të duhej të përbënte një këmbanë alarmi për kryeministrin e vendit publikimi i fakteve dhe dokumenteve?

Por, Rama jo vetëm nuk u ?shqetësua? për denoncimet, për faktet që dilnin, por tentoi që inceneratorët ti propagandonte para qytetarëve shqiptarë si ?vepra arti?.

Gjë të cilën e bëri edhe së fundi në të ashtuquajturin ?Komisioni Hetimor Parlamentar për Inceneratorët?.

Rama tentoi të paraqesë si ?vepër arti? një aferë e cila sipas ekspertëve në vlera reale mund tiu kushtojë taksapaguesve shifra deri në 600 milionë euro.

Rama i mbron e vlerëson kur janë gropa financiare e korrupsioni.

Por, edhe pse nuk hoqi dorë në asnjë moment nga mbrojtja e kësaj afere, Rama arrestimin e ish-ministrit dhe ish-deputetit të tij, e quan ?përgjegjësi individuale?, duke tentuar kështu të lajë duart si Ponc Pilati.

Rama po tenton të largojë përgjegjësinë e tij, për një ndër aferat më korruptive./CNA.al

Po Rama a ka turp?

?Gënjeshtar dy metra nuk ka!?/ Pse nuk shkon ta inagurojë Rama inceneratorin e Fierit?

51 fakte dhe dokumente për aferën e inceneratorëve

Rama ?shet? Bllakon: Përgjegjësia është individuale





Lajmet e fundit nga