web counter
LEXO PA REKLAMA!

SHKARKO APP

App Store
Google Play

“Qeveria, organizatë kriminale”/ Berisha nga Shkodra: Të bashkohemi për të çliruar Shqipërinë

2 Prill 2022, 08:54, Politikë CNA

Në Shkodër sot po zhvillohen homazhet në nderim të ?Martirëve të Demokracisë?, të cilët u vranë në protestën paqësore të 2 Prillit 1991, Arben Broci, Nazmi Kryeziu, Bujar Bishanaku dhe Besnik Ceka.

Ish kryeministri Berisha ishte i pranishëm për të nderuar kujtimin e tyre e ndërsa iu bëri apel shqiptarëve që të bashkohen për të çliruar Shqipërinë dhe votën e lirë.

Berisha u shpreh se sot pas 31 vitesh vota e lirë është e konfiskuar nga qeveria, të cilën ish kryeministri e ka quajtur organizatë kriminale.

?Të dashur qytetarë të pranishëm në këtë shesh të Shkodrës dhe të mbarë Shqipërisë.  Ne kremtojmë sot veprën e pavdekshme të martirëve të demokracisë të cilët do të jetojnë në jetë të jetëve në lirinë dhe votën e lirë të shqiptarëve.

Sot po nderojmë kujtimin e tyre në një ditë të vështirë për Shiqëprinë dhe shqiptarët. Sot pas 31 vitesh vota e lirë është tërësisht e konfiskuar nga sistemi kriminal i patronazhistëve, nga blerja dhe shitja e votës nga banda e qeverisë. Sot shqiptarët përballen me një qeveri e cila përbën një organizatë të vërtetë kriminale. Një qeveri e cila njëlloj si organizatat kriminale vjedh dhe plaçkit shqiptarët, votën e tyre, liritë e tyre, pasuritë e tyre. Kjo përbën një apel për çdo shqiptarë për të bashkuar forcat për të çliruar Shqipërinë të frymëzuar nga Shkodra.

Ndaj dhe le të zotohemi ne para kujtimit të veprës së martirëve të demokracisë se do të bëjmë gjithçka se jemi gati për çdo sakrificë që tu kthejmë votën e lirë shqiptarëve?, tha Berisha./CNA.al





Lajmet e fundit nga