web counter
LEXO PA REKLAMA!

SHKARKO APP

App Store
Google Play

Ndryshojnë masat anti-Covid/ Komiteti i Ekspertëve bën njoftimin e rëndësishëm

1 Prill 2022, 12:45, Politikë CNA

Komiteti Teknik i Ekspertëve sot në një deklaratë për mediat, ka bërë të ditura edhe ndryshimet në masat kundër përhapjes së Covid-19.

Komiteti Teknik i Ekspertëve ka bërë të ditur se një ndër masat që ndryshon është heqja e kufizimit të numrit të personave deri në 50 në grumbullime në aktivitete të ndryshme dhe mbushjes së kapaciteteve deri në 30% të këtyre ambienteve.

?Situatë e qëndrueshme por kujdesi duhet të vijojë. Komiteti i Ekspertëve vendos të heqë kufizimin e numrit të personave deri në 50 në grumbullime në aktivitete të ndryshme dhe mbushjes së kapaciteteve deri në 30% të këtyre ambienteve. Qytetarët që hyjnë nga pikat kufitare duhet të dorëzojnë një nga dokumentet, pasaportë vaksinimi, test PCR brenda 72 orëve ose testin e shpejtë, provë të kalimit të infeksionit të vlefshme deri në 6 muaj.

Rezidentët që nuk kanë asnjë nga dokumentet e përmendura duhet të vetëizolohen dhe të respektojnë izolimin 5 ditë nga koha e konfirmimit.

Vijon të mbetet në fuqi në gjithë institucionet shëndetësore mos lejohet hyrja e familjarëvë për personat e shtruar. Gjithashtu mbetet në fuqi urdhri për përdorimin e maskave në ambientet e mbyllura, qendra tregtare supermarkete, dyqane etj.

Në administratë duhet të kesh certifikatën e vaksinimit. Vaksinimi është i hapur. Doza booster ofrohet për të gjitha kategoritë, 5 muaj pas dozës së dytë. Vaksinimi është e vetmja mënyrë për të na mbrojtur nga COVID-19?.-tha zevendës ministrja e Shëndetësisë Mira Racacolli./CNA.al

Situata e Covid-19/ Mblidhet Komiteti Teknik i Ekspertëve





Lajmet e fundit nga