web counter
LEXO PA REKLAMA!

SHKARKO APP

App Store
Google Play

Doli fitues në zgjedhjet e 6 marsit/ Bardh Spahia merr zyrtarisht detyrën e kryetarit të bashkisë Shkodër

31 Mars 2022, 16:36, Politikë CNA

Bardh Spahia është betuar ditën e sotme si kryetari i ri i bashkisë së Shkodrës. Ai u betua përpara anëtarëve të Këshillit Bashkiak ku edhe firmosi formulën e betimit. Spahia doli fitues në zgjedhjet e pjeshme lokale të 6 marsit ndërsa përfaqësonte koalicionit opozitar ‘Shtëpia e Lirisë’. Në fjalën e parë si kreu i kësaj bashkie, Spahia premtoi se do të ishte kryetar i të gjithë qytetarëve, pavarësisht nëse e votuan apo jo në zgjedhjet e 6 marsit.

?Unë kam bërë një premtim para banorëve të Shkodrës gjatë fushatës elektorale dhe e përsëris sërish para jush edhe sot: Do të jem kryetar i gjithë shkodranëve, pavarësisht zgjedhjes së tyre me 6 mars 2022.  T?i shërbej Shkodrës është nder por mbi të gjitha përgjegjësi e madhe për mua.

Është e vertetë që ky mandat që nis sot, është i shkurtër në kohë, por Ne do të japim maksimumin tonë, të gjithë bashkë, që jo vetëm të realizojmë projektet e prioritetet tona por të kërkojmë e të gjejmë edhe mundësi të tjera për të shtuar investimet dhe vëmendjen ndaj Shkodrës. Kohën që kemi në dispozicion, duhet ta shfrytëzojmë në maksimum, siç edhe duhet të bashkëpunojmë të gjithë bashkë, pa asnjë dallim, për Shkodrën e shkodranët. Tani është momenti të nisim punën për shtëpinë tonë të përbashkët, për të ndërtuar të sotmen me veshtrimin nga e ardhmja?, është shprehur ai./ CNA.al





Lajmet e fundit nga