web counter
LEXO PA REKLAMA!

SHKARKO APP

App Store
Google Play

“Kriza sapo ka filluar”/ Gjiknuri: Qeveria nuk kontrollon çmimet, taksat s'hiqen

31 Mars 2022, 13:51, Politikë CNA

Në një kohë kur vendi jonë është përballur me një rritje të madhe çmimesh të produkteve ushqimore dhe karburantit, qeveria ka hequr përgjegjësinë nga vetja e saj me pretendimin se nuk kontrollon tregun.

Deputeti Damian Gjiknuri, njëherësh sekretari i përgjithshëm i PS-së, nga foltorja e Kuvendit i është kthyer opozitës për kërkesat që kjo e fundit ka kërkuar heqjen e taksave për karburantin.

Ai theksoi se me heqjen e taksave do të boshatiset buxheti i shtetit. Sipas Gjiknurit, kjo krizë ekonomike që ka pushtuar mbarë botën, sapo ka nisur.

?Opozita ka dëshirë për të sulmuar qeverinë. Çmimet nuk kontrollohen nga qeveria shqiptare. Këtu nis dhe del një togfjalësh i ri; hiqni taksat dhe qeveria është grup i strukturuar kriminale. Por të thuash të heqësh taksat, do të thotë që ta lësh qeverinë të zbuluar në skenarë që ne se dimë se si do të zhvillohen. Prudenca e ekonomisë, është; targeto njerëzit më të varfër. A duhet më shumë? Mbase duhet më shumë, por problemi është sa janë mundësitë. Kjo krizë sapo ka filluar. Funksioni i shtetit nuk mund të bjerë, se këtë doni ju. kur nuk ke shpresa, nuk ke mbështetës, dështon me vota, doni tërmet politik që të bjerë qeveria.

Duke tërbuar dhe nxitur njerëzit me idenë se kjo qeveri duhet përmbysur. Kjo është e vetmja shpresë që keni. Doni të krijoni idenë e tokës së djegur. Kur ju shohin juve thonë, dikush mund të thotë; më mirë të rrijë Edi Rama. Do doja të kishte ekuilibër politika, por kjo është e vërteta. Bëhuni të arsyeshëm, Arsyeja është fjalë e madhe në Shqipëri. Por një qeveri e përgjegjshme s?mund të plotësojë çdo kërkesë tuajën. Heqja e taksave do të thotë që arka e shtetit të jetë bosh. Ku e dimë ne se si do të performojë qeveria??, tha Gjiknuri./E.K-CNA.al





Lajmet e fundit nga