web counter
LEXO PA REKLAMA!

SHKARKO APP

App Store
Google Play

Paketa e Rezistencës Sociale/ Manastirliu shpjegon masat: Përfitojnë 576 mijë qytetarë

31 Mars 2022, 13:45, Politikë CNA

Ministrja e Shëndetësisë dhe Mbrojtjes Sociale, Ogerta Manastirliu gjatë fjalës së saj në seancën e sotme parlamentare ka vlerësuar punën e bërë nga qeveria në mbajtjen e premtimeve ndaj qytetarëve.

Ministrja foli mbi Paketën e Rezistencës Sociale, një nismë e ndërmarrë nga qeëveria për të përballuar vështirësitë të cilat kanë ardhur me krizën ekonomike pas luftës në Ukrainë.

?Paketa e Rezistencës mbështet 576 mijë qytetarë të këtij vendi të cilët për tre muajt e ardhshëm do të kompesohen për rritjen e çmimeve të shportës bazë të shkaktuar prej rritjes të çmimeve në tregjet ndërkombëtarë duke filluar nga muaji prill. Kjo paketë mbështet grupet më vulnerabël dhe që preken më shumë e që përfshihen këtu pensionistë që përfitojnë më pak se paga minimale, pensionistët që jetojnë vetëm, personat me aftësi të kufizuara, paraplegjikët, tetraplegjikët, të verbrit, invalidët e punës si dhe të gjitha familjet që përfitojnë nga mbështetja e programit të ndihmës ekonomike.

Janë 64 mijë familjet përfituese që do të mbështeten nga kjo paketë duke u mbështetur direkt për 3 muaj me 3 mijë lekë në muaj si efekt i inflacionit të llogaritur nga INSTAT për impaktin e produkteve bazë të çmimeve të shportës?, deklaroi Manastirliu./ CNA.al





Lajmet e fundit nga