web counter
LEXO PA REKLAMA!

SHKARKO APP

App Store
Google Play

Gjiknuri merr në mbrojtje aferën e inceneratorëve/ “Janë dobishmëri publike”

1 Prill 2022, 20:39, Politikë CNA

Sekretari i përgjithshëm i PS Damian Gjiknuri ka marrë në mbrojtje aferën e inceneratorëve, për të cilën janë paguar miliona lekë nga taksat e qytetarëve.

Në një intervistë me Merita Haklajn në A2CNN, Gjiknuri deklaroi se kontratat e inceneratorëve janë dobishmëri publike, ndonëse asnjëri prej tyre nuk po ofron shërbim.

Ai shton më tej se nuk kishte ndjesi të mira kur sheh që një ministër dhe një deputet i maxhorancës kanë përfunduar në qeli, të akuzuar për korrupsion.

?Nuk më vjen mirë, sepse hidhet baltë edhe mbi punë të mira të bëra nga qeveria. Të gjitha këto kontrata që u përmendën, pavarësisht se opozita i trajton si akte të një grupi strukturuar kriminal, objektiv kishin një të mirë publike. Mendoj që e mira e këtyre kontratave sa i përket dobishmërisë publike nuk mund të errësohet për faktin se ka akuza për zyrtarë të caktuar?, tha ai.

Gjiknuri deklaroi se shifrat e aluduara si të vjedhura nga opozita janë në fakt pagesa që duhen bërë për të marrë shërbimin. ?Hidhen shifra të ekzagjeruara, ?janë vjedhur 430 milionë?, ndërkohë që nuk është e vërtetë. Këta marrin vlerat e kontratave të cilat kanë të bëjnë me përpunimin e mbetjeve, tarifat që do të paguajnë bashkitë apo konsumatorët dhe i përfshijnë sikur këto para janë grabitur?, tha ai./E.K-CNA.al





Lajmet e fundit nga