“Miku i mikut tënd po vret njerëz”/ Rama kapet "mat", akuzohet për dhunë

4 Prill 2022, 08:09, Politikë CNA

Lufta në Ukrainë është kthyer në kryefjalën e ditës për krryeministrin Edi Rama.

Ai ka postuar mëngjesin e sotëm në rrjete sociale një foto nga panorama e luftës në Ukrainës, ku shfaqet dora e një viktime.

?Foto sa njëmijë fjalë.Çfarë kumti pikëllues në atë mbajtëse çelësash pranë dorës së pajetë?, shkruan Rama

Përballë kësaj fotojë e këtij postimi kanë vësrhuar reagimet e qytetarëve.

Ata i rikujtojnë Ramës që të kthejë sytë nga qytetarët e tij që po vdesin rrugëve të botës dhe të lërë propagandën.

Sipas qytetarëve, më shumë të vrarë ka në Shqipëri se sa në Ukrainë.

?Shih popullin tënd që po vdesin rrugëve të botës dhe varfërinë e skamjen në Shqipëri. Lëri propagandat?..

Ska fjalë për të shprehur keqardhjen për popullin Ukrainas.

Po më duket si edhe ne, që po na ikën jeta duke besuar te ajo *emblemë* dhe spo e shohim dritën në fund të tunelit .

Veç politikanë që majmen e vënë pasuri pa fund duke predikuar EU?..

Më shumë po vriten në Shqipëri se sa në Ukrainë?, shkruajnë qytetarët.

Këta të fundit, nuk kursehen , ndërsa i shkruajnë kryeministrit se lufta në Ukrainë, po ndodh nga miku i mikut të tij, duke iu referuar Presidentit Serv Aleksandër Vuçiç, të cilit Rama i referohet si mik.

?Po ndodh nga miku i mikut tuaj..Kryeministër Putini është shumë i adhuruari i Vuçiçit?, komentojnë qytetarët.

Për të tjerë pamjet nga lufta që publikon Rama në rrjete sociale, përcjellin dhunë.

Ndaj ata i bëjnë thirrje që të ndalojë dhunën në rrjete sociale.

?Nuk e kuptoj gjithë këtë përcjellje që i bën situatës së dhimbshme atje , madje duke shkelur dhe etikën me pamjet e tmerrshme ( duke i trajtuar trupat njerëzore si keca e qingja të pjekur).!?

Jeni Kryeminister i një Shteti e misioni juaj nuk duhet të jetë reklamimi i kufomave të mjerë e lulet me zemër të ndarë që na përcillni çdo ditë.!

Faqen tuaj të fb e ndjek fëmija im… çfarë mesazhi po i përcjell.!?

Një imazh pornografik dëmton emocionalisht një të mitur, por pamje të tilla e mesazhe të tilla çdo ditë janë një traumë e thellë Psiko-Shpirtërore xhaxhi Kryeministër.!

Ndaj … Stop Dhunës që po përdorni në psikologjinë e të dobëtëve.!?, shkruan një qytetarë./CNA.al