“Alibeaj s’ka legjitimitet për ankimim”/ PD: I vetmi organ drejtues është "Rithemelimi"

4 Prill 2022, 15:08, Politikë CNA

Partia Demokratike, ka reaguar ditën e sotme në lidhje me një kërkesë ankimore të paraqitur kryetari i Grupit Parlamentar të PD-së, Enkelejd Alibeaj, ndaj vendimit të marrë nga Gjykata e Rrethit Gjyqësor Tiranë, për regjistrimin e Statutit të ri. Selia blu sqaron se i vetmi organ drejtues i partisë është Komisioni i Rithemelimit dhe se askush tjetër nuk mund të ndërmarrë veprime në emër të kësaj partie. Në reagim sqarohet se Alibeaj është shkarkuar nga Kuvendi i 11 dhjetorit dhe se nuk ka asnjë tagër në përfaqësimin e PD-së në marrëdhënie me palë të treta.

?Nga mediat jemi vënë në dijeni që nën emrin e Partisë Demokratike është paraqitur një kërkesë ankimore kundër vendimit nr.1346/222 dt.25.03.2022 të Gjykatës së Rrethit Gjyqësor Tiranë nënshkruar nga Enkeled Alibeaj.

Së pari, sqarojmë se askush nuk mund të ndërmarrë veprime në emër të Partisë Demokratike. Kuvendi Kombëtar i PD dt.11 dhjetor 2021, ka mandatuar si të vetmin organ drejtues të Partisë Demokratike Komisionin e Rithemelimit të Partisë. Gjithashtu, Kuvendi ka shkarkuar Z. Alibeaj si nënkryetar i Partisë Demokratike. Pra, nuk përfaqëson PD në asnjë marrëdhënie me të tretët?, sqaron Partia Demokratike.

Më tej në reagim, bëhet e qartë se Enkelejd Alibeaj nuk ka qenë as palë e as pjesëmarrës në proces, e për pasojë nuk plotëson asnjë nga kriteret legjitimues për tu ankuar. Aty theksohet se Sekretaria e Gjykatës ku është paraqitur kërkesa ka detyrimin ta kthejë mbrapsht atë komform kritereve të Kodit të Proçedurës Civile.

Në fund PD e ka konsideruar akti të cilin e quajti Basha-Alieaj, si përpjekje e dëshpëruar e Edi Ramës për të mbajtur peng vulën e PD kundër vullnetit të shumicës së demokratëve të shprehur qartë në kuvendin e tyre më 11 Dhjetor 2021 dhe të çertifikuar në kutitë e votimit më dt. 6 mars 2022.

Reagimi i plotë i Partisë Demokratike:

Nga mediat jemi vënë në dijeni që nën emrin e Partisë Demokratike është paraqitur një kërkesë ankimore kundër vendimit nr.1346/222 dt.25.03.2022 të Gjykatës së Rrethit Gjyqësor Tiranë nënshkruar nga Enkeled Alibeaj.

Së dyti, përsa i takon kërkesës ankimore, ajo është paraqitur nga persona të palegjitimuar të bëjnë ankim kundër vendimit të mësipërm të gjykatës.

Kodi i Procedurës Civile përcakton:

Neni 442/a

Ankimi

?Ankimi është akti me të cilin palët ose pjesëmarrësit e tjerë në proces parashtrojnë kundërshtimet e tyre ndaj vendimit të gjykatës dhe veprimeve të përmbaruesit gjyqësor, për të mbrojtur të drejtat dhe interesat e tyre?

Pra, vetëm palët ose pjesëmarrësit e tjerë në proçes mund të bëjnë ankim. Askush tjetër.

Me ?palë? kuptohet i padituri dhe personi i tretë.

Me ?pjesmarrës te tjerë? kuptohet Avokati i Shtetit, i Popullit ose Prokurori atëherë kur ligji ua detyron pjesëmarrjen në një proces civil.

Ankimuesi, në këtë rast, nuk ka qenë as palë e as pjesëmarrës në proçes dhe nuk plotëson asnjë nga kriteret legjitimues për tu ankuar.

Ky gjykim është zhvilluar komform proçedures pa të paditur, pa persona të tretë dhe pa asnjë pjesmarrës tjetër. Vetem me ?kërkues? Komisionin e Rithemelimit të PD. Njëlloj si në të gjitha rastet e tjera të këtij tip procesi.

Në këto kushte, Sekretaria e Gjykatës ku është paraqitur kërkesa ka detyrimin tua kthejë mbrapsht atë komform kritereve të Kodit të Proçedurës Civile.

Së fundmi, PD denoncon aktin Basha – Alibeaj si përpjekje e dëshpëruar e Edi Ramës për të mbajtur peng vulën e PD kundër vullnetit të shumicës së demokratëve të shprehur qartë në kuvendin e tyre më 11 Dhjetor 2021 dhe të çertifikuar në kutitë e votimit më dt. 6 mars 2022./ CNA.al