web counter
LEXO PA REKLAMA!

SHKARKO APP

App Store
Google Play

“Ky është një kapitull i mbyllur”/ Shehu “këshillon” Alibeajn

5 Prill 2022, 12:20, Politikë CNA

Deputeti demokrat Tritan Shehu ka deklaruar sot se Enkelejd Alibeaj nuk është kryetar i komanduar i PD, por vetëm kryetar i grupit parlamentar.

I ftuar në një studio televizive, Shehu tha se Alibeaj nuk mund të jetë kryetar i emëruar nga Gazment Bardhi, i cili është i shkarkuar.

Sa i takon kryetarit të ri të PD, Shehu tha se ai do të zgjidhet pas 30 prillit, me një votim një anëtar një votë.

?Alibeaj është vetëm kryetar i grupit parlamentar.

Nuk mund të jesh kryetar i PD i emëruar nga Gaz Bardhi që është për vete i shkarkuar.

Nuk ka të drejtë apelimi ai që nuk është palë.

Këto janë çështje juridike. Unë bazohem në vendim politik.

Dhe vendimi politik është Kuvendi i 11 Dhjetorit, referendumi i 18 Dhjetorit, dhe më pas Kuvendi i 30 prillit dhe zgjedhja e kryetarit të ri, me votim një anëtar një votë.?-tha Shehu.

I pyetur në lidhje me qëndrimin e sotëm të ambasadores së SHBA, Yuri Kim e cila njeh Alibeajn si kryetar të komanduar të PD, ai tha se ?Unë nuk merrem me komente ambasadorësh. Mos bëhemi qesharakë me të tilla gjëra, duhet të jemi seriozë.

Alibeaj nuk duhet të pranojë që dikush ti japë ofiqe që nuk i ka. Ky është kapitull i mbyllur.?./CNA.al





Lajmet e fundit nga