web counter
LEXO PA REKLAMA!

SHKARKO APP

App Store
Google Play

E fundit!

x

"Supermeni" në panik/ Fshihet nga demokratët

6 Prill 2022, 09:44, Politikë CNA

Enkelejd Alibeaj, i cili së fundi duket se ka ndërmend të luajë edhe lojën e ?kryetarit? mund të quhet edhe si ?supermeni? i Lulzim Bashës.

Ky i fundit në gati nëntë vite që drejtoi Partinë Demokratike, duket se vijoi me ?sukses? misionin e tij për përçarjen dhe shkatërrimin e kësaj force politike, duke ndërmarrë veprime politike të ?çmendura?.

Për të ardhur deri në 9 shtator 2021, ku me një vendim personal dhe i pakonsultuar me strukturat e partisë përjashtoi nga grupi paròamentar i PD, ish-kryeministrin Sali Berisha.

Por, kjo solli më pas thellim të përçarjeve dhe Basha u braktis në masë nga demokratët, të cilët iu bashkuan ?Foltores? së Berishës.

Ndërkohë, i braktisur nga demokratët dhe më i vetmuar se kurrë, Basha gjeti si zgjidhje ?supermenin? e tij, Enkelejd Alibeaj të cilit i dha të paktën pesë detyra ?supermenit? të tij Enkelejd Alibeaj.

Në fillim Basha e emëroi nënkryetar të PD. Më pas i dha drejtimin e degës së Partisë Demokratike në Vlorë.

Po ashtu, Alibeaj u komandua nga Basha, edhe në Fier.

Alibeaj drejton gjithashtu edhe grupin parlamentar të PD, një vendim ky i marrë nga Lulzim Basha.

Gjithashtu Alibeaj u vendos nga Basha edhe si kryetar për hetimin parlamentar të zgjedhjeve të 25 prillit.

Më tej, Basha e zgjodhi Alibeajn edhe si drejtues politik të qarkut të Shkodrës.

Dhe pas dështimit të turpshëm në zgjedhjet e pjesshme vendore të 6 Marsit, Basha dhe dorëheqjen dhe e komandoi Alibeajn si kryetar të PD. Edhe pse kjo e fundit tashmë është hedhur poshtë nga Gjykata e Tiranës, e cila njeh Komisionin e Rithemelimit si organin e vetëm drejtues të PD, deri në Kuvendin e ardhshëm.

Por, kaq shumë detyra duket se e kanë futur në panik ?supermenin? e Lulzim Bashës, i cili kërkon të ?fshihet? nga demokratët.

Duke parë se demokratët nuk e duan, gjë e cila tregohet qartë edhe në komentet e tyre në rrjetet sociale, ?supermeni? Alibeaj, nuk përballet, por zgjedh të ?fshihet?.

Ashtu sikurse shikohet edhe në foton më poshtë, Enkelejd Alibeaj ka bllokuar komentet në faqen e tij në rrjetet sociale.

Duke treguar qartë se ?supermeni? qenka panikosur nga reagimet e demokratëve./CNA.al





Lajmet e fundit nga