web counter
LEXO PA REKLAMA!

SHKARKO APP

App Store
Google Play

E fundit!

x

Përfundon mbledhja e Komisionit të Rithemelimit/ Berisha zbulon detajet e takimit

6 Prill 2022, 13:43, Politikë CNA

Ish kryeministri Sali Berisha ka folur pas takimit të mbajtur me anëtarë të Komisioni i Rithemelimit në Partinë Demokratike.

Në fjalën e tij përpara gazetarëve, ai u shpreh se kërkon të sigurojë çdo demokrat që do të ketë të drejtën e shprehjes së vullnetit për të zgjedhur strukturat e PD-së.

?Diskutuam për kuvendin e ardhshëm të PD-së. U diskutua për listat me të cilat do të votohet. Tani disponohen listat e vitit 2019, 2021. Listat do të ju dërgohen degëve të PD-së, për të përcaktuar emrat që do të votojnë.

Kam besim se çdo anëtar i PD-së do të votojë, shprehë vullnetin e tij për kryetarin e degës, grupseksionit dhe me radhë. Edhe njëherë dua të garantoj çdo anëtar të PD-së, se formulari i shpërndarë nuk ka asnjë qëllim tjetër veç pajisjes me dokumentet e partisë dhe jo për qëllime votimi. Këtu duhet të jemi shumë të qartë.

U ra dakord që çdo proces për të cilin një anëtar i PD-së, ka objeksion ti nënshtrohet procesit të përbashkët të auditit, përputhjes së tij me statutin. Në këtë diskutim të zgjeruar folëm për zgjerimin e spektrit të organizatave, dhe bashkëpunimit me organizata të tjera, veç atyre partnere.

PD është drejt hapjes së mëtejshme të kësaj force politike. U ngrit grup pune për të hartuar udhëzuesit e ngritjes së degëve të PD në emigracion dhe diasporë. Ishte një mbledhje kushtuar probleme organizative të PD-së?, u shpreh ai./ CNA.al





Lajmet e fundit nga