web counter
LEXO PA REKLAMA!

SHKARKO APP

App Store
Google Play

KQZ ultimatum 94 partive politike në vend/ Paguani gjobat, keni 20 ditë afat

7 Prill 2022, 13:59, Politikë CNA

Komisioni Qendror i Zgjedhjeve i ka bërë thirrje sot 94 subjekteve politike, që të paguajnë gjobat e vendosur nga KShZ për mosdorëzimin apo dorëzimin jashtë afateve e raporteve vjetore financiare për vitin 2020.

KQZ bëri me dije se për pagesat e tyre i është lënë një afat 20 ditor.

Në njoftim bëhet me dije se KQZ ka dorëzuar kërkesat në adresat e regjistruara në Gjykatën e Rrethit Gjyqësor Tiranë, por se sipas të dhënave të Postës Shqiptare, kërkesat e KQZ-së nuk janë marrë për shkak të mangësive të adresave të deklaruara nga partitë.

?Komisioni Qendror i Zgjedhjeve i bën thirrje publike 94 subjekteve politike që të bëjnë ekzekutimin vullnetar të sanksionit administrativ të vendosur nga Komisioneri Shtetëror i Zgjedhjeve me vendimin nr. 430, datë 22.07.2021, për mosdorëzimin apo dorëzimin jashtë afateve e raporteve vjetore financiare për vitin 2020.

KQZ ka ezauruar mënyrën zyrtare të njoftimit të tyre në adresat e deklaruara nga ana e tyre në Gjykatën Rrethit Gjyqësor, Tiranë. 

Institucioni i Postës Shqiptare ka konfirmuar mosmarrjen e këtij njoftimi nga këto parti politike, për shkak të mangësive të adresave të deklaruara nga partitë. 

Bazuar në nenin 162, të ligjit nr. 44/2015 ?Kodi i Procedurave Administrative?, për njoftimet publike, nga sot, 94 partitë politike kanë 20 ditë afat për të ekzekutuar vullnetarisht detyrimin e tyre?, njoftoi KQZ./ CNA.al





Lajmet e fundit nga