web counter
LEXO PA REKLAMA!

SHKARKO APP

App Store
Google Play

Vokshi i përgjigjet Kushit/ Shihemi në gjykatë, po paraqes tezat si provë

7 Prill 2022, 14:17, Politikë CNA

Kanë vijuar replikat në distancë mes deputetes së PD Albana Vokshi dhe ministres së Arsimit Evis Kushi.

Vokshi ditën e sotme publikoi mesazhin e një zonje që ishte mësuese në Elbasan, e cila denonconte se, drejtori i shkollës ka marrë pyetjet dhe përgjigjet e gatshme, për provimin e Vlerësuesve të Arsimit Parauniversitar që do të zhvillohet sot në Tiranë.

Kushi në reagimin e saj, jo vetëm i hodhi poshtë këto pretendime, por sfidoi deputeten duke i thënë se nëse provohet kjo gjë është e gatshme të japë dorëheqjen.

Por Vokshi, në reagimin e saj të radhës, paralajmëroi se do ngrejë padi ndaj Kushit, ku edhe do të paraqesë si provë tezat.

Reagimi i Albana Vokshit:

Në vend që të kërkojë ndjesë mësuesve e të marrë masat për këdo që ka nxjerrë tezat e provimit në emër të saj, Ministrja e Arsimit, Evis Kushi, merr në mbrojtje shkelësit e ligjit e më kërcënon me padi në gjykatë.

E mirëpres padinë e Ministres Kushi, do ishte e pesta në rradhë  pas padive të Edi Ramës, Erjon Veliajt, Taulant Ballës?

Znj. Ministre, mësues të ndershëm, të cilëve ju dhimbset arsimi denoncuan një veprim skandaloz që duhej ndalur. Kishit rastin të distancoheshit nga ai, duke i kërkuar ndjesë cdo mësuesi që hyn në këtë provim e duke vënë para përgjegjësisë cdokënd që shkel ligjet, procedurat e rrjedhimisht edhe barazinë në një test të tillë të rëndësishëm duke favorizuar militantë partie, miq, patronazhistë etj etj.

Ju zgjodhët të mbronit shkelësit e abuzuesit e jo mësuesit.

Zgjodha të mos i publikoj tezat me shpresën e një reagimi ndryshe nga ana juaj.

Por tani jam e gatshme t?i dorëzoj ato në gjykatë.

Shihemi në gjykatë Evis Kushi./E.K-CNA.al

Ministrja Kushi përfshihet në skandal/ Publikohet mesazhi

Skandali/ Kushi sfidon Vokshin: Do largohem nga detyrat nëse provon akuzat

 





Lajmet e fundit nga