web counter
LEXO PA REKLAMA!

SHKARKO APP

App Store
Google Play

E fundit!

x

Kandidat për president të Shqipërisë?/ Ramush Haradinaj hedh poshtë zërat

8 Prill 2022, 19:07, Politikë CNA

Kryetari i Aleancës për Ardhmërinë e Kosovës, Ramush Haradinaj, ka reaguar në lidhje me zërat për emrëmin e mundshëm të tij në krye të Presidencës shqiptare.

Ai ka siguruar se ky është një laj i rremë dhe se nuk është një nga kandidatët për postin e presidentit. Zërat për emërimin e tij, Haradinaj i ka konsideruar shpifje dhe ka siguruar se politikën do të vijojë ta bëjë në Kosovë.

?Nuk jam kandidat për president të Shqipërisë.

Po e shoh që po bëhet fushatë nga gazetarët e shitur, nga mercenarët e mediave, në Tiranë e në Prishtinë, sikur unë qenkam në kombinim për President të Republikës së Shqipërisë.

Kjo është një shpifje ordinere, e ulët, e pistë dhe për hesap të kuzhinave që janë edhe kundër Shqipërisë, edhe kundër Kosovës, edhe kundër meje.

Për popullin tim të dashur shqiptar, unë jam në Kosovë, do të jem në Kosovë dhe edhe politikisht do të realizohem në Kosovë.

Shqipëria i ka njerëzit e saj, që di t?i vendosë në krye të shtetit. Me Kosovën e Shqipërinë e kundër matrapazëve mediatikë e të opinionit publik!?, ka shkruar ai në një postim në rrjetet sociale. CNA.al





Lajmet e fundit nga