LEXO PA REKLAMA!

SHKARKO APP

Nënshkrimi i marrëveshjes për njohjen e patentave/ Zv. ministri gjerman viziton Tiranën

8 Prill 2022, 18:45, Politikë CNA

Zëvendës ministri gjerman i Transportit dhe Infrastrukturës Digjitale, Oliver Luksic, do të vizitojë Shqipërinë në datat 11 dhe 12 prill.

Lajmi është bërë i ditur nga ambasada gjermane në Tiranë, e cila bën me dije se vizita e tij do të ketë si qëllim firmosjen e marrëveshjes për njohjen e patentave shqiptare në Gjermani.

Ambasada sqaron se temë e bisedave do të jetë edhe tranzicioni energjetik në sektorin e transportit.

?Z. Oliver Luksic, MdB, Sekretar Parlamentar i Shtetit (Zëvendësministër) në Ministrinë Federale të Transportit dhe Infrastrukturës Digjitale, do të vizitojë Tiranën në datat 11 dhe 12 Prill. Krahas bisedave për temat e lëvizshmërisë së qëndrueshme dhe tranzicionit energjetik në sektorin e transportit, në qendër të vizitës së tij është edhe nënshkrimi i një marrëveshjeje për njohjen reciproke të lejeve të drejtimit së bashku me Ministren e Infrastrukturës dhe Energjisë, znj. Belinda Balluku. Informacione të mëtejshme mbi përmbajtjen e marrëveshjes do publikohen së shpejti?, shkruhet në njoftimin e ambasadës./ CNA.al

Lajmet e fundit nga