web counter
LEXO PA REKLAMA!

SHKARKO APP

App Store
Google Play

PS mbledh Kongresin/ Mandati i tretë mes ndryshimeve në statut dhe “prerjes” së kokave

9 Prill 2022, 07:17, Politikë CNA

Sot Partia Socialiste do të zhvillojë Kongresin, i cili do të kulomojë me fjalimin e kryeministrit Edi Rama.

Kongresit do të hapet në orën 12, nga Sekretari i Përgjithshëm i PS-së, Damian Gjiknuri, për të vijuar më tej me eksponentë të tjerë socialist, si Ditmir Bushati dhe Taulant Balla.

Paraprakisht, duke filluar që nga ora 9.30, përfaqësues të PS, do të zhvillojnë takime  me anëtarë e qytetarë kryesisht mbi problematikat aktuale.

Në këtë kongres do të bëhet prezantimi i paketës së ndryshimeve të  statutit të Partisë.  Sipas draftit, kongresi i 9 prillit do të shkarkojë 61 krerët e degëve në rrethe, dhe do të hapë procesin zgjedhor në parti nga data 1 Maj deri në 15 Qershor.

CNA.al ka paralajmëruar më herët edhe për ndryshime në Qeveri, të cilat priten të bëhen publike sot gjatë Kongresit nga kryeministrit Edi Rama.

Sipas ndryshimeve në statut kryetari i ri i degës do të përzgjidhet mes kandidatëve të propozuar nga Asambleja, me miratim të kryesisë. Ai do të ketë mandat 4 vjeçar, që ndërpritet kur jep dorëheqjen, kur shkarkohet nga kryesia për punë të dobët, kur humbet besimin e anëtarëve dhe kur humb zgjedhjet.

Në draftin për ndryshimet në statut parashikohet edhe shtimi i sekretariat ekzekutiv të secilës degë, i cili do të jetë përgjegjës për çdo aspekt administrativ të partisë në nivel bashkie./CNA.al





Lajmet e fundit nga