E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Rreziku nga zjarret në Prespën e Vogël/ Eksperti: Janë djegur rreth 49 hektarë bimësi

14 Nëntor 2024, 13:59, Qyteti im CNA

Rreziku nga zjarret në Prespën e Vogël/ Eksperti: Janë

Djegia e një sipërfaqeje të konsiderueshme në habitatin në liqenin e Vogël të Prespës ka ngritur jo pak shqetësim, si te banorët e zonës ashtu edhe te specialistët e mjedisit.

Këta të fundit evidentojnë edhe largimin e gjallesave nga kjo zonë për shkak të zjarreve.

“Liqeni ishte pasuri e madhe natyrore, por duhet thënë që nuk ekziston. Zona e pellgut të liqenit është pushtuar aktualisht nga barishte e kallamishte. Fshatarët duke mos u ambientuar me këtë habitat të ri dogjën sipërfaqen, e siç thotë kryeplaku i fshatit, 40 hektarë sipërfaqe. Me tharjen e liqenit u krijua një habitat i ri, u larguan gjallesat e vjetra dhe erdhën ato të reja, në një habitat të ri. Zona e liqenit ishte një mikroxhungël e vërtetë në Prespën e Vogël. Nga kjo djegie gjallesat e braktisën zonën, ndoshta dhe në mënyrë përfundimtare.

Rreziku nga zjarret në Prespën e Vogël/ Eksperti: Janë

Pellgu i Prespës do varfërohet në aspektin e biodiversitetit, por ata mendojnë se me tharjen e liqenit do shtohet sipërfaqja e tokës së mbjellë. Ky liqen ka qenë pjesë e pellgut të Prespës së Madhe e të Vogël. Pelikanët kur vinin bënin fole, me djegien e sipërfaqes ai ka ikur, i është djegur foleja. Ka shpendë të ndryshëm si rosa, lejlekë, por me djegien do largohen. Prespa e Vogël do varfërohet, jeta natyrore do zvogëlohet, do pakësohet dhe si pasojë do ndihet më vonë dhe kjo është diçka negative”, u shpreh eksperti i mjedisit, Llazo Stojani.

Teksa shprehen se djegia e bimësisë në zonë nuk sjell përfitim, banorët theksojnë se edhe rreth një javë më parë ka pasur flakë.

“Para 5-6 ditësh kishte flakë, kishte shumë flakë. Banorët e kanë ndezur se nuk merr vetë. S’ka asnjë lloj fitimi. Edhe vjet u dogj. Kjo është e keqja se është pa ujë, ndaj e kanë djegur. Asgjë nuk fiton, bëjnë keq. Këtë sa do të presësh shtohet prapë. Zjarri zgjati 4-5 orë. Edhe vjet kjo pjesë u dogj, zjarrfikësja erdhi që të mos merrte flakë mali”, tha banori.

Rreziku nga zjarret në Prespën e Vogël/ Eksperti: Janë

Kryetari i fshatit Zagradec, Enver Llomi, ka deklaruar se sipërfaqja e djegur arrin nga 30 deri në 49 hektarë.

“Thuajse çdo vit në këtë periudhë është djegur, kur vjen vjeshta. Njerëz të papërgjegjshëm i vënë shkrepsën, se aty s’ka interes për ta djegur, e bëjnë kot. Sipërfaqja e djegur është 30-49 hektarë. Ndikimi negativ është i madh, të gjithë shpendët që kanë foletë aty janë djegur. Pelikani kaçurrel ka habitatin aty, ka dhe liska, rosa, me pakicë, por ka edhe peshk. Dëmi është i madh. Po të shikoni dhe në rrugë, të gjitha djegiet shkonin nëpër shtëpi, ndotën dhe ambientin. Zgjati një ditë të tërë, por erdhi zjarrfikësja e Bilishtit, zonat e mbrojtura dhe ne populli, por s’kishin çfarë t’i bënim, vetëm të shuhet vetvetiu.

Rreziku nga zjarret në Prespën e Vogël/ Eksperti: Janë

Asnjë lloj përfitimi, ja e dogje, mirë është të mos digjet, se ka kallamishte që përdoren, por ua dogjën. Pelikani kaçurrel, ka rosa, liska dhe çafkat që i themi ne. Po t’i vësh re janë aty ku s’ka kallamishte. Peshku është krap, por në periudhën prill-maj, se tani s’ka ujë, ka ngelur si kanal, se ka rënë niveli i ujit”, theksoi Llomi.

Në sezonin veror të këtij viti, vendi ynë u përball me vatra të shumta zjarresh të shkaktuara nga temperaturat e larta, por edhe nga vetë qytetarët. Në shumë prej rasteve zjarret janë përdorur për rigjenerimin e kullotave, por që kanë dalë jashtë kontrollit e më pas situata është përkeqësuar. Zjarrvënia e qëllimshme, në Shqipëri është vepër penale. / CNA