web counter
LEXO PA REKLAMA!

SHKARKO APP

App Store
Google Play

E fundit!

x

19 shtete, në garë/ Saranda mikpret dy kampionate botërore nënujore

11 Tetor 2024, 08:42, Qyteti im CNA

Një nga ngjarjet më të rëndësishme në sportet nënujore po zhvillohet këto ditë në Sarandë, ku qyteti bregdetar organizon Kampionatin e 20-të Botëror të Fotografisë Nënujore dhe Kampionatin e 6-të Botëror të Videove Nënujore, të organizuara nga Federata Shqiptare e Zhytjes, me Presidentin Igli Pustina dhe CMAS (Konfederata Botërore e Aktiviteteve Nënujore).

Ky është eventi i parë i këtij lloji që mbahet në Shqipëri, me pjesëmarrjen e 19 shteteve, duke sjellë një risi të madhe për qytetin e Sarandës dhe Shqipërinë në aspektin e turizmit.

19 shtete, në garë/ Saranda mikpret dy kampionate botërore

Kampionati ka për qëllim jo vetëm promovimin e sporteve nënujore, por edhe ndërgjegjësimin për bukuritë dhe ruajtjen e jetës nënujore. Garat janë duke u zhvilluar në ujërat e kristalta të Jonit, ku pjesëmarrësit po kapin imazhe mahnitëse të florës dhe faunës detare.

Atmosfera është e gjallë dhe dinamike, me shumë aktivitete që shoqërojnë kampionatin, përfshirë ekspozita, prezantime kulturore dhe gara nënujore. Një sukses i padiskutueshëm për Sarandën, që shpreson të mbetet një pikë referimi në hartën ndërkombëtare të sporteve nënujore dhe për të promovuar Shqipërinë në nivel global./ CNA





Lajmet e fundit nga