E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Kostumografia e Lezhës/ Prezantohen veshjet tradicionale

4 Tetor 2024, 11:13, Qyteti im CNA

Ky eveniment iu dedikua më së shumti kostumografisë dhe larmisë së saj që gjendet në këtë qytet. Të ridimensionuara në pavione të veçanta ato prezantojnë një vlerë të madhe për Lezhën, ndërsa aty janë elemente që sot nuk gjenden te popullata.

“Ky është një ambient ku jemi munduar që të mirësistemojmë me hapësirat tona objekte që realisht janë gati në dergadim për shkak të amortizimit ndër vite.

Jemi munduar të bëjmë maksimumin që t’i rehabilitojmë dhe t’i drejtojmë t’i pastrojmë dhe sistemojmë se janë asete që nuk do të mund t’i kemi më nëse nuk u japim përparësinë dhe rëndësinë e duhur.

Janë objekte që kanë rëndësinë e tyre. Është kostumografia e 5 heronjve të Lezhës. Jemi munduar t'i japim rëndësinë e duhur. Kemi akoma për të bërë”, ka thënë Petrit Dushi, Specialist i Kostumografisë dhe Folklorit në Pallatin e Kulturës Lezhë.

“Kjo është bërë për të nderuar, vlerësuar dhe respektuar mundin e atyre qindra dhe mijëra njerëzve që janë kujdesur për trashëgiminë tonë kombëtare.

Lezha është qyteti i parë në Shqipëri për trashëgiminë kulturore dhe shpirtërore”, ka thënë Petrit Zefi.

Prej pak vitesh po i jepet rëndësi restaurimit të kostumeve dhe shtimit të tyre në këto pavione.

“Përveç riparimit të kostumografisë së vjetër aktualisht po merremi të qepim kostumet tradicionale të Lezhës për të rikthyer disa elemente që janë zhdukur. Shpresojmë që shumë shpejt të jenë risi veshjet tradicionale”, tha Lorena Malshi, kostumografe e Pallatit të Kulturës Lezhë.

Duke iu referuar trashëgimisë së pasur të Lezhës, përgjegjësi i Trashëgimisë Kulturore në Bashkinë e Lezhës, Paulin Zefi, ka bërë të ditur se kjo pasuri është e jashtëzakonshme në Lezhë, fakt që ka sjellë paraqitje dinjitoze në çdo prezantim e që sot shfaqen në të gjitha ambientet e rikonstruktuara së fundi në Pallatin e Kulturës.

Lezha ka demonstruar që është një pasuri në trashëgiminë kulturore dhe vazhdimisht përpiqet për ta ridimensionuar dhe pasuruar akoma më shumë atë./ CNA